Albistea entzun

Elkarretaratzea egingo dute gaur Iruñean, Martin Villaren galdeketaren harira

Protestarekin bat egin dute 78ko Sanferminak Gogoan eta Martxoak 3 elkarteek. Hainbat europarlamentarik salatu dute Borrellen jokabidea
Villa epaitzeko kanpaina.
Villa epaitzeko kanpaina. E.P / FOKU Tamaina handiagoan ikusi

Erredakzioa -

2020ko irailak 3

Epailearen aurrean izango da, azkenean, Rodolfo Martin Villa ministro ohi frankista. 2014an abiarazi zuen prozesua Maria Servini Argentinako epaileak, baina bide judizialean hainbat oztopo eta gorabehera izan ostean, gaur izango du Martin Villak Servini parez pare. Ez dira presentzialki elkartuko, ordea. Lehenik, estradizio eskaeraren ukatzea; ondoren, galdeketa Espainian egitearen debekua, eta, azkenik, koronabirusaren krisiak eraginda, bideo deiez hartuko dio deklarazioa epaileak, Argentinak Madrilen duen enbaxadan. Eta kanpoan —Madrilen, Asturiasen eta Euskal Herrian, besteak beste—, elkarretaratzeak egingo dituzte, ministro ohiaren gehiegikeriak salatzeko. Iruñekoa eguerdian izango da, epaitegi aurrean.

Argentinako justiziak gizateriaren aurkako krimenak leporatzen dizkio, tartean 1976ko Gasteizko martxoaren 3koa, 1977ko Amnistiaren Astekoa eta 1978ko sanferminetakoa. Guztira, bera karguan zela, 90 pertsona hil zituzten. Horregatik, elkarretaratze bateratura deitu dute Ceaqua Kereila Argentinarra Sostengatzeko Estatuko Koordina- kundeeko kideek, eta Iruñekoan parte hartuko dute Martin Villa persona non grata izendatu duten euskal udalerrietako ordezkariek —Lizarra, Zizur, Iruñea, Irun, Gasteiz, Errenteria, Arrasate, Bergara, Elgeta...—.

Inpunitatea eta babesa

Ceaquak salatu du Martin Villa «inpunitate osoz» aritu zela, eta, egun, Espainiak oztopatzen segitzen duela ministro ohi frankistaren delituak argitzeko bidea. Hain justu, Espainiako lau presidente ohiek —Felipe Gonzalez, Jose Maria Aznar, Jose Luis Zapatero eta Mariano Rajoyk— babesa adierazi diote ministroari. Hainbat europarlamentarik —Izaskun Bilbaok, Pernando Barrenak, Carles Puigdemontek eta beste zenbaitek—, gainera, salatu dute Josep Borrell Europako Batasunaren diplomaziaburuak ere babesa eman diola, eta esan dute EBren legediaren aurkakoa dela. Bruselak ukatu egin du akusazioa.

LABek, berriz, gogora ekarri du Gasteizko martxoaren 3ko sarraskiaren atzean Martin Villa zegoela, eta gaitzetsi du UGT eta CCOOko hainbat kidek ere babesa ematea ministro ohiari. «Ordain dezan borrokan segituko dugu».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Aitziber Sarobe eta Ainara Kaltzakorta, atzo, Ekotopaketen lehen mahaietako batean. ©ARITZ LOIOLA / FOKU

Kolektiboki ekiteko dei ozena

Maite Asensio Lozano

Krisi ekosozialari nola erantzun aztertzeko, Ekotopaketak egiten ari dira asteburuan Portugaleten, 'Azken krisia, gure garaia' lelopean

Los Arcos zirkuituaren inaugurazio ekitaldia, 2010eko ekainean. ©IÑIGO URIZ / FOKU

Los Arcos kostatu zenaren %10ean saldu du Nafarroako Gobernuak

Joxerra Senar

Gobernuko arduradunak pozik agertu dira salmentarekin, urtero lau milioi euroko gastua baitzuen zirkuituak. Zazpi milioitan saldu dute
Ikoitz Arrese, atzo, Eusko Legebiltzarrean. ©RAUL BOGAJO / FOKU

EH Bilduk harreman fase bat hasiko du eragileekin hezkuntza legeaz aritzeko

Irati Urdalleta Lete

Ikoitz Arrese legebiltzarkideak «patxada eta ausardia» eskatu dizkio Jaurlaritzari. Bildarratzek eragileekin mintzatzeko prestasuna erakutsi du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...