Indarkeria matxista jasan dutenentzat bertze espazio bat ireki dute Nafarroan

Bikoiztu eginen dute orain arteko harrera etxeen lekua. Konfinamendua hasi zenetik, Foruzaingoak 22 salaketa erregistratu ditu indarkeriagatik
Indarkeria matxista salatzeko banderola bat balkoi batean.
Indarkeria matxista salatzeko banderola bat balkoi batean. MARISOL RAMIREZ / FOKU Tamaina handiagoan ikusi

Maddi Ane Txoperena Iribarren -

2020ko apirilak 8

Koronabirusaren krisiaren ondorioz gerta daitezkeen egoerei aurre egiteko, Nafarroako Gobernuak bikoiztu eginen ditu indarkeria matxista jasan duten emakume eta adingabeei harrera egiteko orain arte zeuden lekuak. Javier Remirez presidenteordeak atzo jakinarazi zuenez, bertze harrera gune bat ireki dute asteon horretarako, eta indarkeria jasan dutenak hara joaten ahalko dira, konfinamenduak irauten duen artean, epe mugarik gabe.

Lehendik ere baziren halako zerbitzuak, eta, Remirezek azaldu duenez, gaur-gaurkoz hogei emakume eta 22 adingabe ari dira espazio horiek erabiltzen. Lau emakume eta lau adingabe espazio berrian dira jada astelehenetik. Jakinarazi dutenez, gaian aditua den langile talde bat ari da espazio berria kudeatzen, orain arteko harrera zentroetako langileekin elkarlanean, eta 24 orduz ematen dute arreta. Zerbitzu berriarekin, indarkeria matxistaren alorrean gerta daitezkeen larrialdiei erantzun nahi diete, betiere COVID-19aren ondoriozko segurtasun neurriei eutsita.

22 salaketa indarkeriagatik

Konfinamendua hasi zenetik, foruzainek genero indarkeriagatiko 22 salaketa erregistratu dituzte, atzo jakinarazi zutenez. Salaketa horiek direla eta, hamar gizonezko atxilotu dituzte. Foruzaingoak ohartarazi du kasu gehienak zailak direla identifikatzen, eta senideen eta bizilagunen laguntzari esker jakinarazi direla. Beraz, inguruan indarkeria zantzuren bat sumatuz gero salatzeko deia egin dute: «Herritarren parte hartzea funtsezkoa da halako kasuetan». Gogoratu dute errespetatu eginen dutela abisua ematen duen pertsonaren konfidentzialtasuna.

Mugimendu feministak iragarri bezala, Foruzaingoak ere onartu du konfinamendu garaian etxeko indarkeria areagotu daitekeela. Tuterakoa da azken kasua: gizon batek ama jo du, eta atxilotu egin dute gizonezkoa.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

COVID-19aren jarraipen batzordea, Iñigo Urkullu lehendakaria buru dela, atzo Gasteizen. ©JON RODRIGUEZ BILBAO / EFE

Pandemia osoan izan den kopururik handiena zenbatu dute Bizkaian: 402

Olatz Esteban Ezkati

Hego Euskal Herrian 651 positibo izan dira. Hamasei egoiliar eta 36 langile kutsaturik daude Bizkaiko zahar etxeetan. Eusko Jaurlaritzak ez du baztertzen osasun larrialdia berrezartzea

Nekane Murga Osasun sailburua, atzoko agerraldian. ©Miguel Toña / EFE

Etxeratze agindua, zalantzazko muga

Irati Urdalleta Lete

Eusko Jaurlaritzak etxeratze agindua izan du hizpide; hau da, herritarrei eskubidea kentzea ordu jakin batetik aurrera kalean ibiltzeko. Adituek ez dute argi horretarako eskumenik ba ote duen.

Emakume bat, elikagaiak kalean saltzen, Quiton, Ekuadorko hiriburuan. ©JOSE JACOME / EFE

Birusari, errenta unibertsala

Cecilia Valdez

Koronabirusaren pandemiak pobrezia hedatu eta desberdinkeria areagotu duela ikusita, Latinoamerikako zenbait herrialdetan oinarrizko errenta unibertsala eta haren gisako neurriak ari dira aztertzen. Errentarentzako dirua nondik bildu, horixe da erronkarik handienetako bat.

Donibane Lohizuneko plaza, konfinamendu denboran ©Bob Edme

Donibane Lohizuneko ostatu bat hetsi dute

Ekaitz Etxamendi

Pirinio Atlantikoetako departamenduko prefeturak erabaki du Donibane Lohizuneko (Lapurdi) Le Miam ostatuaren hestea bost egunez, zigor gisa. Neurria beterik, gaur ireki dute berriro.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna