Albistea entzun

Nuin: «Bananduta gehiago gehitzen dugu batuta baino»

Berria -

2019ko urtarrilak 22

Ezkerra koalizioaren batzarrak gehiengo handiz erabaki zuen larunbatean, datozen foru hauteskundeetan Ahal Dugu-rekin batera ez joatea. Batzarrera bertaratutako %91,5ek bat egin zuten bananduta joatearekin. Atzo, Jose Miguel Nuin Ezkerrako eledunak nabarmendu zuen erabaki horrek ez duela zerikusirik Ahal Dugu-ren krisiarekin, eta ez dutela alderdi horrekin harreman txarrik. «Bi alderdiek gehiago gehituko dute bananduta joanda, batuta baino». Nuinen ustez, aldaketarentzat bi pieza erabakigarri dira, eta aldaketari berari begira, erantzukizunez jokatu behar da, ahalik eta boto gehien biltzeko. Nuinen ustez, Ahal Dugu-rekin harreman bereziak dituzte, eta erabaki horrek ez du esan nahi beste bozetan batera joango ez direla.

Ezkerrako beste bazkideak, Batzarrek, erabaki du zein izango diren bere hautagaiak. Txema Mauleon aurkeztuko da parlamentuko zerrendetan eta Edurne Egino udaletakoetan. Hala erabaki zuen Batzarrek igandean bertan egindako batzarrean: 260 afiliatuetatik 147k parte hartu zuten bozketan. Alderdiak «ilusioz» ikusten du hauteskundeetan hirugarren aldiz Ezkerraren eskaintza izatea. «Abiapuntu ona dugu, zoru sendoa eta hazteko zantzu onak».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©J. DANAE / FOKU
Jose Maria Aznar eta Felipe Gonzalez Espainiako gobernuburu ohiak, maiatzean, Madrilen. ©BALLESTEROS / EFE

BASOARTE ZARBATSUA

Iosu Alberdi

Espainiako Gobernuak desklasifikatu zituen lehen agiri sekretuak GALen ingurukoak izan ziren, 1997. urtean. Halere, zenbait dokumentu ezkutuan mantentzea erabaki zuen Moncloak, «estatuaren segurtasunaren» izenean.
 ©J. DANAE / FOKU
Bego Atxa eta Joseba Azkarraga, atzoko prentsaurrekoan. ©ANDONI CANELLADA / FOKU

Sarek Auzitegi Nazionalaren «blokeo jarrera» kritikatu du

Isabel Jaurena

Sare Herritarraren arabera, 47 euskal preso daude orain urruneko espetxeetan. «Presoengandik gertuen daudenen» jarrera nabarmendu du, erabakiak «jarraipen egokia» egin eta gero hartzeagatik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...