Albistea entzun

Donostiako 67. Zinemaldia. KRITIKA. Sail Ofiziala

Deus ex favela

Mikel Zumeta -

2019ko irailak 25

'Pacificado'

Zuzendaria: Paxton Winters. Aktoreak: Bukassa Kabengele, Cassia Nascimento, Jose Loreto, Debora Nascimento. Herrialdea: Brasil. Iraupena: 120 minutu.

Brasilen gaude, Rio de Janeiroko favela batean. Kale malkartsuetan ikusiko ditugu etxeak, multzokatuta, bata bestearen gainean pilatuta, inprobisatutako ezinezko arkitekturetan. Horrelakoa da favela, inprobisatua, legez kanpokoa, ustekabekoa.

2016ko Olinpiar Jokoen ondorioz, faveletan gauzak asko aldatu ziren: Pazifikazioa izeneko bake antzeko egoera hauskorrari bide eman zitzaion. Biztanleak, mafiak eta poliziak hari fin batean jardun ziren, itxurazko bake tenkatu batetik zintzilik.

Tati 13 urteko neskatoaren istorioa azalduko digu filmak. Txirotasunak, droga mendekotasunak, prostituzioak, mafiak osatuko dute bere egunerokoa. Favelan mafiaren buruzagiak agintzen baitu. Denak bere eskuetan daude, begia begi truk lelopean; hala, krudeltasunaren eta gordintasunaren ikusle izango gara.

Pelikulak argazki izugarri landua izango du, irudi eta plano ezin ederragoak eskainiz. Gidoiari dagokionez, ordea, azaltzen duena interesgarria bada ere, eta errealitate gordinean oinarritua badago ere, azkenerako telesail amaiezinaren tankera hartzeko arriskura hurbiltzen da.

Hori gutxi balitz, bukaera aldera zuzendariak modu guztiz tupustekoan deus ex machina nabarmen batekin argituko du istorioaren trama. Nolabait jarraitzen ari garen tramek istant batean konpontzeko beharra izango balute bezala.

Filma ederra da neurri batean, salaketa bide interesgarria, eta dokumentu gisa baliogarria oso, horretaz ez daukat zalantzarik. Baina amaieran zabaltzen duen istorioaren ondorioetan galdu egin naiz, ez baitakit sintesiarekin ados nagoen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©OSKAR MATXIN EDESA / FOKU

«Filmatzea nagoen lekuan egoteko modu dialektiko bat da»

Andoni Imaz

Filmak sortzen dituen artista da, zinemagilea baino gehiago. Eginez egiten du lan, eta konbentzioak desegiten ditu bidean. Bere lana mundu osora zabaldu du; Kaliforniatik urteetan, Euskal Herritik orain.
Raid Awwad, 1987ko argazki batean. ©MAJAZZ PROJECT

Maitasuna eta borroka

Mikel Lizarralde

Palestinan lehen intifada piztu zenean Riad Awwadek grabatutako diskoa desagertuta egon da urte hauetan guztietan. Orain, 'The Intifada 1987' izenburuarekin argitaratu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.