Albistea entzun

BEGIZ

Inbaditzea zer ote den

Haizea Barcenilla -

2020ko ekainak 2

Zoriz atera dut fitxa bat kutxatik: Avena fatua (olo gaiztoa). Aurreko aldean landarearen argazki bat dago, silueta iluna pantaila zuri baten kontra. Atzekoan, landarearen izena, jatorria eta Kaliforniara iritsi zen garaia: XVII. mendean noizbait. Testu batek laguntzen du informazioa: «Gu laudatzeko dantzak egin zenituen, eta elkarrekin ospatu genuen».

Jenny Yurshanksy artista amerikarraren Zerrenda beltzean: landatutako alegoria (memoriak) proiektuaren parte da fitxa. Beste 132 daude kutxan, Kalifornian inbaditzaile gisa zerrendatuta dauden 600 landareetatik artistak bere ikerketan zehar topatu zituen bakoitzeko bat. «Inbaditzaile» kontzeptua deigarria egin zitzaion Yurshanskyri, kontuan izanda olo gaiztoak, adibidez, ia lau mende daramatzala Ameriketako ertz hartan hazten. Noiz uzten dio landare batek kanpokoa, atzerritarra, ez-bertakoa izateari? Zergatik jarraitu inbaditzaile izendatzen ekosistemara aspaldi egokitutako landarea?

Landareok Kaliforniara iristeko moduek ere artistaren jakin-mina piztu zuten. Oloak ez baitzuen jatorrizko Europatik asteetako ontzi-bidaia bere kabuz egin. Bakanetan, aireak haziak ontzietan sartu eta periplo luzeak egiten dituzte, baina ez da ohikoena. Gehienetan, landareak jendearekin mugitzen dira. Oloa elikagaia zen Europan, eta ez litzateke harritzekoa kolonoek eramandako hazien artean olo gaiztoarena nahasita egotea. Beraz, landareen historia gizarte mugimenduen historia ere bada; gizarte zein ekosistema berrien sorrerak markatzen dituen historia.

Inbaditzaile hitzak inplikazio ezkorrak ditu: lekuz kanpo dagoena, ez dagokiona hartu nahi duena. Hitz horren atzean, ordea, esplotazioaren hipokrisia ezkutatu daiteke. Arctotheca calendula-ren kasua horren erakusle da. Hegoafrikatik eraman zen Kaliforniara landare dekoratibo gisa sailkatuta, 1960ko hamarkadan, baina lorategietatik at zabaltzen hasi bezain laster inbaditzailetzat hartu zen. Artistak esklabotzarekin egiten zuen paralelismoa: Afrikatik, bere erroetatik hartutako izakiak, gizon zurien onurarako baliagarriak diren bitartean onargarriak direnak, baina arazo bilakatzen direnak askatasun grina agertzen hasten direnean. Honela, akatsa landareari edo esklaboari egozten zaio, gatazka eragin duena bere natura balitz bezala, eta ez izakiak pairatutako deserrotze eta ustiaketa bortitza.

Paralelismo horiek guztian buruan, fitxa bakoitzaren atzean Yurshanskyk testu bat idatzi du: esaldi zaharra, errezeta, etxera bidalitako eskutitza edo poema, besteak beste. Landareei eman dizkie eurekin bidaia egin zuten balizko pertsonen hitzak; honela, landareen eta gizakien bide amankomunak azpimarratzeaz gain, baldintzapen botaniko, historiko, kultural eta politikoak batera doazela erakusten digu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ezker-eskuin, Mari Jose Telleria, Adriana Moscoso del Prado eta Denis Itxaso, atzo, Artistaren Estatutuaren aurkezpenean. ©ANDONI CANELLADA / FOKU

«Konponbide duin bat» sortzaileei

Miren Mujika Telleria

Gipuzkoako Foru Aldundiak eta Espainiako Kultura Ministerioak kulturaren sektoreko lan baldintzak hobetzeko hartu dituzten neurrien berri eman dute Donostian. Langile asko joan da azalpenak aditzera.

 ©Iñigo Uriz / Foku

Irulegiko Eskuak leku berezia izango du 21. Arkeologia Jardunaldietan

Erredakzioa

Gaur hasi eta ostiralera bitarte egingo dituzte topaketak, Donostiako San Telmo museoan. Hitzaldietan hainbat gai jorratuko dituzte

Moriako txoko batean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...