Albistea entzun

EKOGRAFIAK

Bizitza perfektua?

Amaia Garcia -

2021eko abenduak 2

Bizitza ez da perfektua. Egunero eramaten dugun errutinak bizitzaren gauza onetan fijatzeko denbora falta sortzen digu; helduago egiten garen bitartean, ardurak handitu egiten dira, eta gozamenerako uneak, txikitu. Telebistan eta zineman ikusi ditugun fikzioetan gai hori askotan jorratu da, baina duela gutxi estreinatu den Leticia Doleraren Vida Perfecta (Movistar Plus) telesaila ekarri nahi dut gaurkoan, gaia oso ondo jorratu duelako azkeneko denboraldian.

Vida Perfecta telesailaren lehen denboraldia arrakastatsua izan zen. Besteak beste, Canneseries jaialdian telesail onenaren saria jaso zuen. Lehen denboraldian Maria eta Esther ahizpen gorabeherak ezagutu genituen, haien Cristina lagunarekin batera. Hirurak bizitzaren fase kritiko eta ezberdinetan zeuden, baina, haien arteko laguntasunari esker, aurrera egin zuten.

Bigarren denboraldi honetan egoerak zaildu egin dira, eta pertsonaia batzuk helduagoak egin dira. Estherren (Aixa Villagran) kasuan, bere bizitza guztiz aldatu da: aurreko denboraldian festaz festa zebilen, baina emakume batekin harreman egonkor bat hasi duela dirudi. Julia du izena, eta 50 urte inguru ditu. Adin desberdintasuna eta konpromiso bat izatea erronka gogorrak izango dira Estherrentzat.

Mariak, berriz, amatasunaren erronka izango du. Gogora dezagun aurreko denboraldian haurdun geratu zela, eta umearen aita, Gabi, desgaitasuna duen pertsona dela. Gabiren eta Mariaren arteko harremana ez da erraza izango Mariarentzat. Umearen ardura osoa Mariak hartu du, eta bakarrik amatasunari aurre egiteko zailtasun handiak izango ditu. Depresiora iritsiko da, eta beste pertsonekin dituen harremanak galtzeko zorian egongo da.

Cristinak (Celia Freijeiro), berriz, Pablo senarrarekin duen krisialdia konpondu nahi du. Aurreko denboraldian, Cristina beste gizon batzuekin oheratzen zen. Egoera horri aurre egiteko, harremana ireki dute, eta beste pertsonekin oheratu daitezkeela onartu diote batak besteari. Bien arteko konfiantza falta izango da haien arazoa.

Bigarren denboraldiak gai asko jorratzen ditu, eta lehenengoa baino sakonagoa dela iruditu zait. Emakume askok bat egingo dute protagonistei gertatzen zaizkien arazoekin, eta bizi ez dituztenek arazo horiek hobeto ulertuko dituzte. Telesail honetan sororitateak irabazi du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Helduok ere sareen adikzioa dugu»

Enekoitz Telleria Sarriegi

Adikzioetan aditua da Cerezo, eta «substantziarik gabeko» adikzioez mintzo da: teknologia berriez eta sare sozialez. Nerabeak ezagutzeko gakoak eman nahi dizkie gurasoei. Zarautzen dauka hitzaldia, etzi.
1 ©MIREN MUJIKA / EZEZAGUNA

Espaziontzian etorkizunerantz

Miren Mujika Telleria

Futuroscope parkeak ospakizun urtea du, 35 urte betetzen baititu aurten. Efemeridea ospatzeko, atrakzio eta ostatu berriak eskainiko ditu hastear den denboraldian. Beraz, bisitariek izarrak izango dituzte lagun, eta askotariko sentsazioak sentituko dituzte espaziorainoko bidean.

Javier Colomore etxean —ezkerrean—, Jon Martija galderak egiten —eskuinean—. Ostiralean sareratuko dute. ©G. RUBIO / FOKU

«Off-eko ahotsa ez dut asko sartuko»

Urtzi Urkizu

Elkarrizketatuaren esaldi batekin hasi ohi da Martijaren 'Estamos dentro' podcasta (EITB Podkast atarian entzungai). «Gonbidatuen etxean giro berezia sortzen da», azaldu du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...