Albistea entzun

Etxeko langile migratzaileek salatu dute «diskriminatuta» daudela

Martxoaren 8ko grebarekin bat egingo dute, lanean pairatzen duten «bidegabekeria» salatzeko
Etxeko Langileen Taldeko zenbait kide, Donostian egindako agerraldian, atzo.
Etxeko Langileen Taldeko zenbait kide, Donostian egindako agerraldian, atzo. BERRIA Tamaina handiagoan ikusi

Ane Ubegun Goikoetxea -

2019ko martxoak 1 - Donostia

Etxeko langile gisa aritzen diren emakume migratzaileak «esplotatuta eta diskriminatuta» daude, SOS Arrazakeria elkarteko Etxeko Langileen Taldeak ohartarazi duenez. Sektore horretako langile gehienak emakume migratzaileak dira. Taldeko kideek adierazi dute Martxoaren 8ko greba feministan parte hartuko dutela, zaintzaileak diren heinean egun «garrantzitsua» delako haientzat: «Greba egiteko eskubidea dugu, aldarrikapenak egiteko eskubidea».

Nabarmendu dute euren lana ez dela behar adina aintzat hartzen, ez sozialki eta ez ekonomikoki: «Milaka familiaren arazoak konpontzen ditugu: milaka beso ditugu, baina ez dugu aurpegirik». Salatu dute «oso egoera prekarioan» lan egiten dutela, eta lan baldintza «bidegabeak» dituztela, emakume horietako askok ez baitaukate «bidezko kontraturik» ere: astean 40 ordu baino gehiagoz egiten dute lan, ez dute eskubiderik dagozkien jai egunak hartzeko, ez eta langabezia sariak kobratzeko ere. «Lan kontratuan zehazten ez diren aparteko lanak ere egin behar izaten ditugu».

Ohartarazi dute, gainera, erakunde publikoen aldetik ez dutela babesik jasotzen: «Babesik gabe gaude. Erakunde publikoek alde batera uzten gaituzte. Ez gaituzte ikusi nahi; ikusezinak gara haientzat». Hori dela eta, beharrezko neurriak martxan jartzea eskatu diete erakundeei, langileen egoera administratiboa erregulatzeko eta lan baldintzak hobetzeko.

Bestalde, salatu dute zenbait langilek tratu txar psikologiko eta fisikoak pairatzen dituztela lantokian: «Emakumezkoak garenez eta lan kontraturik ez daukagunez, kontratatzen gaituenak uste du behartuta gaudela lan prekarioak eta gogorrenak egitera; bestela, honelakoak esaten dizkigute: 'Nahi baduzu, alde egin dezakezu'». Arazo hori konpontzeko, adierazi dute erakundeek bere gain hartu beharko luketela lan egiten duten etxeen egoera aztertzeko ardura: «Ez daukagu baliabiderik laguntza behar duten langileei behar bezala laguntzeko».

«Esklabotzaren» mugan

Nabarmendu dute zaintzen duten pertsonarekin harreman «berezia» sortzen dutela, eta sarritan bestelako beharrak ase behar izaten dituztela: «Batzuetan, zaindu behar dugun pertsona guztiz abandonatuta dago, familiak ez diolako behar adinako arreta eskaintzen; horrelakoetan, gure gertutasuna behar izaten dute, ez baitaukate besterik». Baina nabarmendu dute lanari hainbeste denbora eskaini beharrak ondorio «larriak» izaten dituela euren bizitzetan: «Lan egiten dugun familiaren esklabo bihurtzen gara; isilpeko esklabotza hori amaitu nahi dugu, lehenbailehen».

Hilabetean behin biltzen dira euren arteko sareak sortzeko eta informazioa emateko. «Sentsibilizazio kanpaina bat jarri dugu abian; herriz herri joaten gara, etxeko langileei euren eskubideak zein diren azaltzeko».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Aitziber Sarobe eta Ainara Kaltzakorta, atzo, Ekotopaketen lehen mahaietako batean. ©ARITZ LOIOLA / FOKU

Kolektiboki ekiteko dei ozena

Maite Asensio Lozano

Krisi ekosozialari nola erantzun aztertzeko, Ekotopaketak egiten ari dira asteburuan Portugaleten, 'Azken krisia, gure garaia' lelopean
Los Arcos zirkuituaren inaugurazio ekitaldia, 2010eko ekainean. ©IÑIGO URIZ / FOKU

Los Arcos kostatu zenaren %10ean saldu du Nafarroako Gobernuak

Joxerra Senar

Gobernuko arduradunak pozik agertu dira salmentarekin, urtero lau milioi euroko gastua baitzuen zirkuituak. Zazpi milioitan saldu dute
Ikoitz Arrese, atzo, Eusko Legebiltzarrean. ©RAUL BOGAJO / FOKU

EH Bilduk harreman fase bat hasiko du eragileekin hezkuntza legeaz aritzeko

Irati Urdalleta Lete

Ikoitz Arrese legebiltzarkideak «patxada eta ausardia» eskatu dizkio Jaurlaritzari. Bildarratzek eragileekin mintzatzeko prestasuna erakutsi du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...