Manex Agirre
Jaio: Aramaio (Araba), 1982.Ibilbidea: 2015eko txapelduna. Bi aldiz
eskuratu du txapela. Euskal Herriko
txapelketan abestu zuen 2013an.
«Finala oso irekia dagoela iruditzen zait. Seikoteko bakoitzak inoiz baino aukera gehiago ditugu txapela irabazteko. Bertsozaleei esango nieke presta dezatela euren burua horrelako sorpresak hartzeko».
Oihane Perea
Jaio: Gasteiz, 1977.Ibilbidea: 2007an, 2009an eta 2013an
txapela jantzi zuen. Txapelketa Nagusian
parte hartu du.
«Seikotekook gauza asko ordezkatzen ditugu. Batetik, gure historia erakusten dugu. Bestetik, hainbat belaunaldi eta hainbat eskualde gaude. Arabako bertso eskolen mapa ikusiko da finalean».
Iñaki Viñaspre
Jaio: Gasteiz, 1984.Ibilbidea: 2004tik, edizio guztietan
finalista izan da. 2015eko txapelketan
bigarren geratu zen.
«Nahiko final plurala izango da; ez bakarrik adin aldetik, baizik eta bakoitzaren bertsokera eta bertsoa bizitzeko moduagatik. Ikusten dut seikote bat txapelaren bila abiatzeko modukoa, eta txapelaren bide horretan saio eder bat eskaintzeko modukoa».
Serapio Lopez
Jaio: Baranbio (Araba), 1960.Ibilbidea: 1982an Laudioko bertso
eskolako sortzaileetako bat. Arabako
Bertsolari Txapelketako lehen edizioan
parte hartu zuen. Aurtengoa du bigarren
finala.
«Duela 25 urte abestu nuen final batean. 25 urte eta gero, nire burua beste bosten pare ikusteak poz berezia ematen dit. Euskaldun berri bakarra naiz finalisten artean».
Xabi Igoa
Jaio: Aramaio (Araba), 1992.Ibilbidea: Bigarren aldia da finalean
parte hartuko duena. Finalisten artean
gazteena da.
«Bertso eskola da gure bertsogintzaren oinarri, eta finala horren erakusle ere bada: Oihaneren irakasle Serapio izan zen, nireak Oihane eta Viñaspre. Belaunaldiz belaunaldi lan egin izanaren seinale da hori. Espero dut urte batzuk barru nire ikasleak ere hemen izatea».
Asier Otamendi
Jaio: Urretxu (Gipuzkoa), 1971.Ibilbidea: Lau aldiz irabazi du Arabako
txapela. Txapelketa nagusian kantatu du.
«Nik ikusten ditut txapel bat eta sei txapel txiki. Denok izango dugu txapeldun bat barruan. Bakoitzak esango du bere publikoarekin edo bere buruarekin gustura gelditu dela. Niretzat ere helburua hori da. Saio on bat aterako da».