Noiz sortua: 2012-02-01 00:30:00

Komunikazioa

ETB1en 'Amerikanuak' dokumentala ikusi ahalko da gaur estreinakoz

AEBetara joandako artzain euskaldunen bizipen eta testigantza gazi-gozoek harrera ona izan dute aretoetan
Nacho Reige eta Gorka Bilbaoren <em>Amerikanuak</em> filma Donostiako Zinemaldian aurkeztu zuten.
Nacho Reige eta Gorka Bilbaoren Amerikanuak filma Donostiako Zinemaldian aurkeztu zuten. BERRIA

Ainhoa Arano -

2012ko otsailak 1

Euskal Herritik Ameriketako Estatu Batuetara abiatu ziren, «maleta bizidunen» gisa, dirua irabazteko helburu bakarrarekin. Batzuk, itzulerako bidaia txartelik gabe. Ez dute, ordea, nortasuna galdu; Euskal Herri txiki bat eraiki dute, mahai inguruan etxeko hizkuntza, kultura eta oroipenak mantenduz.

Gorka Bilbao (Gernika, Bizkaia, 1974) eta Nacho Reig (Teruel, Espainia, 1969) zuzendariek negu gordinak, lan gogorrak eta nostalgiak baldintzatutako komunitate horren argazkia atera nahi izan dute, galdu baino lehen.

Dokumentalak 90 minutu irauten du, eta Nevadako Elko herrian bizi diren euskaldun etorkinen egunerokotasuna islatzen du. Alfonso Igoa, Pete Paris, Jose Yaniz Txapo eta Juan Juaristi Parrillas-en oroitzapenen bidez, lehenengo pertsonan idatzi dute artzainen istorioa; besteak beste, herrialde arrotz batean duin bizitzeko borroka eta urrutiko herrialde bateko kide izatearen sentimendua. Musika Gernikako Audience taldeak egin du. Donostiako Zinemaldian aurkeztu ondoren, harrera oso ona izan du zinema aretoetan ere. Gaur, ETB1en emango dute, 22:30etik aurrera.

Argazki hunkigarri eta hurbila

Dokumental batek beharrezko arima baldin badu, protagonistek ikuslea hunkitzea lortzen dutelako izaten da. Amerikanuak laneko protagonistak hezur-haragizkoak dira, benetakoak; konplexurik gabe hitz egiten dute. Ez daude gidoi nahasi batean galduta. Eta horretan datza dokumentalaren gakoetako bat. Nevadara joandako euskaldunekin identifikatzen da ikuslea; gertu sentitzen ditu. Euskal emigranteen ahotsak, elur maindireak estalitako paisaia eta Audience taldearen doinuak nahikoa dira kontatu beharrekoa kontatzeko.

Askea eta euskaraz sortua

Aurrekontu txiki batekin proiektu erakargarri bat egiteko modua ere badagoela erakutsi nahi izan dute ekoizpen honekin. «Xedea ez da izan gertaera historiko bat kontatzea, euskal diasporan garrantzi handia izan duen bizimodu bat jasotzea baizik», azaldu du Bilbaok. Irudi garbi bat bilatu dute, eta hor, Euskara izan da gakoa. Euskara hutsean filmatutako produkzioa da, «protagonistek euskara erabiltzen dutelako haien egunerokotasunean».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Kalean, herritarrak maskara jantzita, atzo, Ordizian. ©JUAN HERRERO / EFE

Hauteskunde batzordea gaur bilduko da Ordiziako egoera aztertzeko

Arantxa Iraola - Jon Ordoñez Garmendia - Irati Urdalleta Lete

Maskara erabiltzea nahitaezkoa izango da Gipuzkoako herri horretan, eta tabernetako jarduna mugatu egingo dute. Hauteskunde Batzordea gaur elkartuko da egoera aztertzeko

Ordiziakoa Etxezarreta kalea, atzo. ©JUAN HERRERO / EFE

Ikara, bozkalekuetan

Jon Ordoñez Garmendia

Ordizian bozkalekuetan egon behar dutenak beldurrez bizi dira igandetik. Zalantza asko dituzte, eta arriskuan sentitzen dute euren burua. Gaur dute bilera udalarekin.

 ©ARITZ LOIOLA / FOKU

«Distantzia da oraingoz dugun tresna eraginkor bakarra»

Arantxa Iraola

Birusen egitura aztertzen du Abresciak Ikerbasquen, CIC Bioguneren barruan. Argi du COVID-19a oso azkar hedatzen dela gogorarazten jarraitu behar dela: ez da egun batetik bestera ahulduko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna