Noiz sortua: 2019-06-05 00:30:00

Ikastolako ateak gasteiztar guztiei zabaltzeko xedez

Armentia ikastolak Araba Euskaraz festako egitaraua aurkeztu du. Bildutako diruarekin beka sistema bat jarri nahi dute martxan
Ikastolako arduradunak eta haurrak, atzoko aurkezpenean.
Ikastolako arduradunak eta haurrak, atzoko aurkezpenean. J. FONTANEDA / FOKU Tamaina handiagoan ikusi

Erredakzioa -

2019ko ekainak 5

Ekainaren 16an izango da Araba Euskaraz, Gasteizko Armentia ikastolak antolatuta, eta atzo aurkeztu zuten egitaraua. Antolatzaileek azaldu dutenez, aurtengo leloarekin —Gertu— gasteiztar guztiei zabaldu nahi dizkiete ikastolako ateak. Festa «parte hartzailea, dibertigarria eta kulturaniztuna» iragarri dute. «Euskal kulturaren aniztasunaren lagin bat dakargu, gure gizarte gero eta askotarikoago honetan guztiok goza dezagun gure hizkuntzaz eta kulturaz» adierazi du Ikastolen Elkarteko lehendakari Koldo Tellituk. Armentia ikastolako kideek, berriz, jakinarazi dute egunean bilduko duten diruarekin, besteak beste, beka sistema bat sortuko dutela. «Horri esker, ikastolako ateak Gasteizko familia guztientzat zabalik egotea nahi dugu, haien egoera ekonomikoa ez baita muga edo oztopo izango seme-alabak bertan matrikulatzeko».

Jaialdia lau gunetan banatu dute, eta 11:00etan zabalduko dituzte. Aurreko aldietan ez bezala, guneak ez dira adinaren arabera banatuko, eta umeentzako jolasak guztietan egongo dira. Ikastola izango da erdigunea; han egingo da herri bazkaria, eta ekitaldi hauek izango dira: Gasteiz Kantuz, Ttek elektrotxaranga, Armentia dantza taldea, Big Band Berri jazz banda eta Imanol Ituiño magoa. Horrez gain, aurten ere egingo dute Bizkaiko, Arabako, Gipuzkoako eta Nafarroako ikastoletako DBHko gazteentzako Erronka proba, eta gune horretan izango da.

Prado parkean, berriz, Dantza Plaza, bertsolariak, Potx eta Lotx pailazoak, swing dantza taldea eta O'Xabiren dantzaldia izango dira. Osakidetzak lehen laguntzei buruzko bi tailer antolatuko ditu 8 urteko umeentzat.

Mineral gunean, Eusko Label gunea izango da, eta artisau azoka bat jarriko dute. Horrekin batera, bertsolaria, trikitilariak eta Olatz Pagaldairen bakarrizketak izango dira, eta honako musika talde hauek: Ham sinfonia korporatiboa, Osterabe, Iont eta Wood Stringa.

Armentiako zelaietan, berriz, Araba Bizi Karpa jarriko dute. Zumba saioak, munduko musikak —Kolonbia, Bolivia eta Saharako doinuekin—, Dantza plaza, Joselu Anaiak taldearen dantzaldia eta Skabidean & The Black Birds eta Ze Esatek! musika taldeak izango dira.

1981. urtean egin zen lehen aldiz Araba Euskaraz, eta Armentia ikastolak 2006an antolatu zuen. Ikastetxe horrek 25 urte bete ditu aurten, eta 1.200 ikasle baino gehiago ditu gaur egun. Jaialdiarekin «proiektua sendotu» nahi duela azaldu dute antolatzaileek.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 6an eguneratua. ©BERRIA

Koronabirusaren azken datuak

Berria

Azkeneko 24 orduetan zazpi lagun hil dira COVID-19 gaitzaren eraginez. Hamalau positibo atzeman dituzte PCR probekin, eta gaixo bat ospitaleratu dute. Euskal Herrian 29.843 gaixok eman dute positibo guztira, koronabirusa atzemateko probaren bat eginda. Horietatik 2.096 hil dira. Grafikoak, albiste barruan.

Haur bat, konfinamenduan, etxean jolasten. / ©Iñigo Uriz, Foku

Astelehenetik ireki ahal izango dituzte haur eskolak Araban, Bizkaian eta Gipuzkoan

Irati Urdalleta Lete

Hiru herrialde horietako herritarrek hiruretan mugitzeko aukera izango dute. Ostalaritzan ez da gehienezko edukierarik egongo, eta barran zerbitzatzeko aukera ere izango dute. Diskotekek eta gaueko tabernek itxita jarraitu beharko dute. Hogei pertsona arte elkartu ahal izango da, bai etxean eta bai kalean.

Atzo Villabonan egin zuten bertso saiora sartzeko segurtasun neurriak. / ©Gorka Rubio, Foku

Alarma egoera amaitu ondoren ere maskarak erabiltzea beharrezkoa izango da Hego Euskal Herrian

Jon Ordoñez Garmendia

Ehun euro arteko isunak aurreikusten ditu Espainiako Gobernuak prestatu duen dekretuak, maskara erabiltzen ez dutenentzat. Urgentziazko kasuetan Osasun Ministerioak eskuduntzak bereganatzeko aukera izango du berriro.

Herritar batzuk Debako (Gipuzkoa) parke batean, elkarren arteko distanziak zainduz. ©GORKA RUBIO / FOKU

Araba, Bizkai eta Gipuzkoa artean ibili ahalko da astelehenetik aurrera

Jakes Goikoetxea

Espainiako Gobernuak jakinarazi du Hego Euskal Herria hirugarren fasera pasatzea onartu duela. Jaurlaritzak eta Nafarroako Gobernuak izurritearen kudeaketaren kontrol osoa berreskuratuko dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna