Albistea entzun

KRITIKA. Gasteizko 42. Jazzaldia

Ahots ederrak Jazzaldia hasteko

Leanne Faine buru duen gospel taldea, Mendizorrotzan.
Leanne Faine buru duen gospel taldea, Mendizorrotzan. RAUL BOGAJO / FOKU Tamaina handiagoan ikusi

Markel Gonzalez de Zarate -

2018ko uztailak 19

Leanne Faine eta Favor taldea

Lekua: Mendizorrotzako kiroldegia. Eguna: Uztailak 17.

Leanne Faine: zelako ahots ederra hain emakume txikiarentzat! Favor taldearekin, Gasteizko 42. Jazzaldiari hasiera eman zion. Ikuskizuna Soldier abestiarekin ireki zuten, eta berehala nabaritu ziren abeslarien soul erroak, Michiganeko elizetan sortuak. Adina ez da aitzakia Leanne Fainerentzat, 78 urterekin agertokian zehar mugitzen baita energia harrigarri batekin. Ikusleek, hasieran pixka bat lotsati, gospel meza baten erritmoa hartu zuten berehala Faineren ahaleginei esker.

Hurrengo abestietan (So Good, Something Got a Hold of Me, I'll Take You There, The Lord Will Make a Way), bere abeslari trebeak txandatu ziren solo ikaragarri bana emateko. Umore onez, Mrs. Faine kexatu zen taldeko abeslarien erresistentzia faltaz eta, aitzakia horrekin, Holy Ghost abestu ondoren, If It Had Not Been kanta spiritual klasikoa abestu zuen, a cappella hasieran. Esperientzia erlijiosoa areagotzeko, abeslaria agertokitik jaitsi zen, eta ikusleen aulkien lehen lerroetan jarraitu zuen ikuskizunarekin. Sentimendu handiz, hurrengo abestiekin taldekideen erritmo biziek ekitaldia hartu zuten berriro; Can't Nobody eta Amen. Azken horrek ikusleen parte hartzea eskatzen zuen, eta Faine arduratu zen guztiok berarekin abesteaz.

Nola ez, Jazzaldiaren lehenengo gauari amaiera ezin hobea emateko, hain famatua den Oh Happy Day doinua hautatu zuten, eta, automatikoki, ikusleak altxatu egin ziren, eta txalo jotzen eta Fainerekin eta taldearekin batera abesten hasi. Amaiera dotore horrekin, Gasteizi agur esan, eta Chicagora bueltatzeko prestatu zen taldea, baina jendetza «beste bat» eskatzen hasi zen, eta agertokira bueltatu ziren berehala Thomas Dorseyren Precious Lord opari gisa abestera. Dudarik gabe, Leanne Faineren ahotsak ez du beldurrik izan behar Patti Labelle mitikoaren pareko soul abeslari ospetsuen aurrean. Gospel musika gehiegi izan daiteke batzuentzat, baina Leanne Faine eta Favorek Chicagoko gospel elizen esperientzia ekarri zuten Gasteizera ikusleak guztiz txunditzera.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ruper Ordorika eta Joseba Sarrionandia, atzo iluntzean, Bilboko Kafe Antzokiko Kutxa Beltza aretoan. ©ARITZ LOIOLA

Honetaz eta hartaz, giro intimoan

Olatz Enzunza Mallona

Elkarrekin izandako bizipenak ardatz hartuta, askotariko gaiez solasean aritu dira Ruper Ordorika eta Joseba Sarrionandia ‘Huntaz eta hartaz’ emanaldian. Atzo hasi, eta ostegunera bitarte egingo dituzte saioak, Bilboko Kafe Antzokiko Kutxa Beltza aretoan. Amaitu dira sarrera guztiak.

Ezker-eskuin, Mari Jose Telleria, Adriana Moscoso del Prado eta Denis Itxaso, atzo, Artistaren Estatutuaren aurkezpenean. ©ANDONI CANELLADA / FOKU

«Konponbide duin bat» sortzaileei

Miren Mujika Telleria

Gipuzkoako Foru Aldundiak eta Espainiako Kultura Ministerioak kulturaren sektoreko lan baldintzak hobetzeko hartu dituzten neurrien berri eman dute Donostian. Langile asko joan da azalpenak aditzera.

 ©Iñigo Uriz / Foku

Irulegiko Eskuak leku berezia izango du 21. Arkeologia Jardunaldietan

Erredakzioa

Gaur hasi eta ostiralera bitarte egingo dituzte topaketak, Donostiako San Telmo museoan. Hitzaldietan hainbat gai jorratuko dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...