Vietnamgo Gobernuak eta Erresuma Batuko Poliziak atzo baieztatu zuten Essexen (Ingalaterra) kamioi batean hilik aurkitu zituzten 39 lagunak vietnamdarrak zirela: «Koordinaziorako, analisirako eta konparaketa pertsonalerako epe aktibo baten ostean, Vietnamgo Segurtasun Publikorako Ministerioak baieztatu du 39 biktimak vietnamdarrak zirela», jakinarazi zuen atzo ministerio horrek, ohar baten bidez.
Iragan urriaren 23an, Essexeko Grays herrian azaldutako kamioi baten edukiontzian aurkitu zituzten gorpuak eta, hasiera batean txinatarrak zirela zabaldu zuten arren, gerora horietako batzuk vietnamdarrak zirela adierazi zuten Erresuma Batuko hedabideek. Azkenean, baieztapen ofiziala atzo iritsi zen.
Kamioia aurkitu zutenetik, denera bost pertsona atxilotu dituzte. Gidariak espetxean jarraitzen du, epaiketa zain.
Essexeko 39 hilak Vietnamgoak direla baieztatu dute
Iruzkinak
Ez dago iruzkinik
Ordenatu
