Albistea entzun
Emakumeen aurkako indarkeriari ez
Emakumeen aurkako indarkeriari ez

HIZPIDEAK

Puntu moreak jopuntuan

Amagoia Mujika Tolaretxipi -

2022ko abuztuak 19 - @mmuxika

Herritarren segurtasunerako herritar prototipo bat hartzen bada kontuan —gizona—, zeinak herritar guztiok ordezkatuko dituen, eta, gainera, talde sozial jakin batzuk —normalean talderik babesgabeenak— arriskuarekin lotzen badira, argi dago emakumeek eta LGTBI kolektiboak beste bide batzuk behar dituztela beren segurtasuna bermatzeko. Alegia, hemen, gaur, indarrean den ordena sozial patriarkala zaintzen dutenek salatu dituzte aholkua, babesa eta zaintza emateko antolatzen direnak, eraso matxisten aurkako protokoloak ikuspegi feminista batetik garatzen dituztenak.

Esan sindikatuak «talde antisozial eta totalitario horien kontra joka dezala» eskatu dio Jaurlaritzari, «gazteak ezin direlako jende horren esku utzi».

«Jende horren» eskuak dira, ordea, erasoa jasandakoen lasaigarriak; larri eta urduri iristen direnentzat, puntu moreetako kideak dira bidelagun: babesa eta laguntza. Zer gertatu den jakinda, artarik egokiena zein den ikusiko dutenak, biktimarekin batera, eta hark norekin egon nahi duen ziurtatuko dutenak. Hori egitea «zabarkeria larria da» Josu Erkorekarentzat, desobedientzia leporatzeko moduko delitua.

Ez dezatela kriminalizatu mugimendu feminista beldur direlako kolokan jarriko ote duen segurtasun eredu ezarria.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...