Albistea entzun

HIZPIDEAK

Pertzepzioak

Mikel P. Ansa -

2019ko abuztuak 29 - @peruarenaansa

Pobrezia neurtzeko ikerketek beti sortzen dituzte arazoak. Pobrezia kontzeptu lausoa izan litekeelako, eta inork ez duelako jendaurrean aitortu nahi pobrea dela. Eta, gainera, pobrezia neurtzeko ez dagoelako estandar bakar bat; zeinek bere metodoak erabiltzen ditu, eta, askotan, ez dira bateragarriak. Gainera, pobreziari buruzko inkestetan, aldagai nahasgarri bat txertatzen ohi da, pobrezia subjektiboa, zeina pertsona bakoitzaren iritzi adierazian soilik oinarritzen den.

Egia da neurtzeko nekeza suertatzen dela pobrezia, nazioarteko erakundeek ez baitute ahaleginik egin estandar bat sortzeko. Barne produktu gordina neurtzeak ere antzeko problemak sor zitzakeen, baina nazioarteko erakundeak bat etorri dira estandar bat ezartzeko. BPGa igo edo jaitsi den kalkulatzeko, ez zaie herritarrei galdetzen hazkundearen pertzepzioaz. Ez dira ikerketak egiten usteekin —soilik—, baizik eta —batez ere— datuekin.

Nabarmena da Jaurlaritzak pobreziari buruzko ikerketarekin egin duena: datuak aurkeztu eta esplikatu beharrean, herritarren pertzepzioaren berri eman. Azken hogei urteetako pobrezia tasarik handiena neurtu dute Araban, Bizkaian eta Gipuzkoan, baina Jaurlaritzaren oharrak soilik nabarmendu du pobreziari buruzko pertzepzioa hobetu egin dela. Uztailean, EH Bilduk salatu zuen ezkutatuta zegoela txosten hori. Orain, Jaurlaritzak erdizka eman ditu datuak; eta irailaren 25ean bilera bat egiteko asmoa duela iragarri du. Zeharka eta esan gabe, esaten ari da larria dela arazoa. Eta bai, hau ere pertzepzio bat da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.