Albistea entzun

HIZPIDEAK

Bista motza

Mikel P. Ansa -

2022ko abenduak 9 - @peruarenaansa

Irandik heldu diren berriek adierazten dute kontrola galduta dabilela Estatua, justu kontrakoa erakutsi nahi duen arren. Mohsen Shekari gaztearen exekuzioa abisu bat da. Badirelako beste hogeita gehiago lagun hiltzeko kondena baten mehatxupean. Eta azkar egin du Iranek, gainera: hamar aste eskasean atxilotu, epaitu eta exekutatu dute Shekari. Protestatzera ateratzen ari direnentzako abisu gogor bat: «Ez dugu barkatuko». Baina kontrakoa ere eragin dezake. Mahsa Amini neska gaztearen heriotzak eragindako protesta oldea ez da apaldu hiru hilabetean. Nazio Batuen Erakundeak esana du 400 bat herritar hil dituztela indar armatuek. The Guardian egunkariak bart kaleratutako informazioen arabera, poliziak perdigoi tiroak ematen ari dira manifestariei. Begietara tiro egin diete ehunkari, Irango hainbat medikuren testigantzetan jaso dutenez. Izuaren izuz, etxeetan ari dira zaurituak artatzen. Eta debaldekoa ez den xehetasun gordin bat: emakume manifestariei aurpegira eta genitaletara ari zaizkie perdigoiak tiratzen. Iranen erantzuna: AEBen maniobra gaizto bat dela guztia. Bai. AEBek aprobetxatu nahiko dute edozein aukera Irango Estatua desorekatzeko eta iraultzeko. Egia da hori. Baina momentu honetan, Amini hil eta hiru hilabetera, Irango agintariek ez dute arazo bat AEBekin, baizik eta bere herritarrekin. Eta, hori ikusteko gai ez badira, itsutu dituzten manifestariek baino bista motzagoa dute Irango agintari gorenek oraintxe.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.