Albistea entzun

HIZPIDEAK

Urak harro

Mikel P. Ansa -

2022ko abuztuak 16 - @peruarenaansa

Ez da erraza asmatzen zer gertatzen ari den Nafarroako eskuinean. Bi kontu daude argi: botoa sakabanatzen ari dela. Vox dago batetik, zeinak hurrengo urtean Nafarroako parlamentuan sartzeko aukera leukakeen; Sayas eta Adaneroren plataforma bestetik, inork seguru esaten ez duena alderdi politiko bilakatuko ote den; PP, Espainia birkonkistatzeko furian; UPN bere aldera, izan zena berrosatu nahian; eta Ciudadanos azkenik, parlamentutik kanpo gelditzeko arrisku bizian. Testuinguru horretan, PP eta UPN Navarra Suma markari azkeneko kolpea emateko prest daudela ematen du. PPk bere marka indartu nahi du, Feijoorekin Espainiako Gobernua atzera irabazteko aukerak ikusten dituen honetan. Seguru asko horregatik esango zuen PPren Antolaketa idazkariordeak Nafarroan PPren siglak erabilita aurkeztu nahi dutela —UPNrekin koalizioan, agian, baina bere siglekin—. Beste aldera, Javier Esparza UPNko buruari ere Navarra Sumak aspaldian traba egiten ziola ematen zuen, eta ez du itxura gehiegi molestatu duenik PPren ateraldiak. Navarra Suma gabe, Ciudadanos bazkatzeko aukera izango dute biek. Eta gehiago dena: PSNrengana hurbiltzen saiatzeko eskuak libreago izango lituzke Esparzak.

Baina auskalo zer mugitzen ari den Nafarroako eskuinan. Udazkenean argituko da, noski. Bitartean, seguru dagoen beste kontu bakarra: eskuin guztiak geldiarazi nahi duela EH Bildu, eta ahal duen guztia egingo duela hori lortzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.