Noiz sortua: 2019-08-15 00:30:00

HIZPIDEAK

Kontuz ibili, erasotzaile hori

Amagoia Mujika Tolaretxipi -

2019ko abuztuak 15

Kontuz ibiltzeko esan alabari, etxetik atera aurretik; ez dadila kale ilunetatik ibili; beti esan diezaiola ondokoari nora doan, eta zer egitera. Ez dadila mozkortu, ez dadila bakarrik itzuli etxera. Horrela, beharbada, saihestuko ditu erasoak eta bortxaketak. Hori da segurtasun indarrek eta instituzioek zabaldu duten mezua. Horiek al dira, baina, emakumeek etxetik ateratzerakoan hartu behar dituzten neurriak? Eraman behar duten zama? Haiengan utzi behar al da gerta dakiekeenaren erantzukizuna, gertatutakoaren ardura haiena balitz bezala?

Noiz ikusiko dugu beste mezu hau zabaltzen: «Kontuz ibili, erasotzaile hori, etxetik ateratzen zarenean; ez zaitezela kale ilunetatik ibili; ez ezazula pentsa gaua zurea dela, ez da eta. Eta ez atera kalera, kaletarrokin batera ez baduzu ibili nahi, haien esparruak errespetatu nahi. Bestela, ondorio latzak izango dituzu. Jaiak ez baitira zuretzat eginak».

Baina bai, jaiak haienak dira. Erasotzaileentzat ez dago oharrik, bide orririk. Nonahi eta noranahi dabiltza, egunez egun, gauez gau, han eta hemen. Ikusi besterik ez dago Donostian 24 orduan egon diren eraso guztiak. Eta ez da jairik, Piratek esan bezala, %100en askatasuna bermatzen ez bada, leku guztietan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 28an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan hiru pertsona hil dira COVID-19 gaitzaren eraginez, 23 positibo atzeman dituzte PCR probekin, eta sei gaixo ospitaleratu dituzte. Euskal Herrian 28.976 gaixok eman dute positibo guztira, koronabirusa atzemateko probaren bat eginda. Horietatik 2.037 hil dira. Grafikoak, albiste barruan.

Donostiako Kontxa hondartza, pasa den asteartean. ©Gorka Rubio, Foku

Hondartzen erabilera «dinamikoa» egiteko eskatu du Jaurlaritzako Osasun Sailak

Berria

Osasun Sailak eskatu du hondartzak kirola egiteko, paseatzeko eta bainatzeko erabiltzea, baina ez hondarretan geldirik egoteko. Bizkaian, Areetan, Lagan, Laidan eta Ean hartu dute hondartza «dinamikoak» ezartzeko erabakia. Lapurdiko hondartzak, berriz, maiatzaren 16an ireki zituztenetik dira «dinamikoak».

Mari Luz Esteban eta Elixabete Garmendia. / ©GORKA RUBIO, FOKU

«Zahartzaroari ematen zaion tratamenduaren metafora da gertatu dena»

Maider Galardi F. Agirre

Koronabirusaren krisia piztu denetik, maiz hitz egin da adinekoen zaurgarritasunari buruz, eta, oraindik, kalera irteteko mugak dituzte adinekoek. Mari Luz Esteban antropologoak eta Elixabete Garmendia kazetariak, ordea, salatu dute adinkeria dagoela, eta beharrezkoa dela nagusiagoei ahots propioa ematea.

Eskubide Sozialen Gutunak deituta, gaur Iruñean eginko bizikleta martxa ©Jagoba Manterola (Foku)

Eskubide Sozialen Gutunak mobilizazioak iragarri ditu ekainaren 19rako

Jokin Sagarzazu

Herritarrak aktibatzea ezinbestekotzat jotzen dute, «aurreko krisien ondoren gertatutakoa» errepika ez dadin. Datozen egunetan emango dituzte zehaztapen gehiago mobilizazioaren inguruan. Hiriburuetan izango dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna