Albistea entzun

HIZPIDEAK

Elefantea

Jakes Goikoetxea -

2019ko abuztuak 30 - @ijitoa

Ez da hain harrigarria FARCen barruan talde batek erabakitzea berriro armak hartzea, oihanera itzultzea eta borroka armatura bueltatzea. Bake prozesuaren balantzea egiten hasita, hitzarmena sinatu zutenetik ia hiru urtera eta gerrillariak eremu berezietan biltzen hasi zirenetik bi urtera, prozesua oso mantso baitoa. Gerrillari ohiak gizarteratzeko prozesuak hutsune asko ditu: pertsona eta eskualde bakoitzari egokitutako planak falta zaizkio, baliabideak ere bai... Egoera ikusita, gehienek beren kabuz moldatzea erabaki dute. Gainera, Kolonbiako Gobernuak ez du bermatzen gerrillari ohien segurtasuna. FARCek Kolonbiako hainbat lekutan utzitako hutsunea beste indar armatu batzuek hartu dute, eta gizarte mugimenduetako ordezkariak eta FARCeko gerrillari ohiak hiltzen ari dira, etenik gabe.

Kolonbiako Gobernuak FARCeko zenbait kidek armak berriro hartzea baliatuko du ahalik eta gutxien egiten jarraitzeko eta FARC alderdiko kideak kriminalizatzeko. Testuinguru horretan, nabarmentzekoa da FARC alderdiak, Rodrigo Londoño Timochenko buruzagiaren ahotan, bakearen alde adierazitako konpromisoa, zalantzarik gabea: «Gerrak bidea izateari utzi zion. Dena emango dugu bakearen eta justizia sozialaren alde». Gobernuari elefanteen erritmoan aritzea leporatu zion, eta laguntza eskatu zuen, baita nazioarteari ere. Kolonbiako elefanteari bultza egiteko garaia da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...