Noiz sortua: 2019-07-09 00:30:00

HIZPIDEAK

'Gaixoa ni'

Jon Ordoñez Garmendia -

2019ko uztailak 9

Penagarriak dira txupinazoan Iruñeko udaletxe barruan ikusi ziren irudiak. Jakina da nola erabili zuen UPNk Iruñeko Udaltzaingoa Sanzen eta Barcinaren alkatetzen garaian, baina Enrique Maiaren aginduetara udaltzainek zinegotzi batzuei iletik tira egitea eta kolpeak ematea haratago doa. Hiriko agintariak direlako; oposizioan daude, baina iruindarren ordezkariak dira udalbatzan, eta hala tratatu beharko lituzke Poliziak, are eta gehiago Iruñekoak. Konparazioak gorrotagarriak badira ere, zer gertatuko zen hori bera gertatu izan balitz duela lau urte oposizioko zinegotzi batekin?

Udaltzainen jokabidea eta bere ardura estaltzeko asmoz, Maiak esan du ikurrina atera nahi zutela Maider Belokik eta Itziar Gomezek eta legez kanpokoa dela. Ez da egia esaten ari, ordea; ezta beste erkidego bateko ikurra dela ere, horren gainetik ikur politiko bat baita, eta hori delako UPNk eta Navarra Sumako bere kideek ikustea nahi ez dutena, indarkeria erabili behar badute ere.

Tentsio uneak bizi izan dira sanferminetako lehen egunetan. Txupinazokoak prozesioko giroa baldintzatu zuen, eta epelak entzun behar izan zituen Maiak Kuria kalean; hori bai, bezperan oposizioko udal agintari batzuei eraso zien Udaltzaingoak babestu egin zuen bera. Pasatuko dira lehen egun horiek, baina Maia agintaldi hasieran hartzen ari den neurriak ikusita, ez dirudi elkarbizitzaren alde egingo duenik. Festa soilik amaituko da Gaixoa ni abestutakoan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Lehen arretako profesionalen protesta bat, iaz, Gasteizen. ©ENDIKA PORTILLO / FOKU

Murgak egoera hauskorraz ohartarazi du, 15 kutsatu gehiagoren berri emanda

Ane Eslava

Egoera «kontrolpean» dagoen arren, «zuhurtzia» eskatu du. Nafarroan ez da kasu berririk egon. Lehen arretako langileek protesta egin dute

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna