Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

HIZPIDEAK

Sistemaren errua

Eider Goenaga Lizaso -

2021eko irailak 17 - @EiderGoenaga

Indarkeria matxista, sexu abusuak, bortxaketak, indarkeria bikarioa... Hainbat adierazpide ditu indarkeria matxistak, eta egileak du horren errua eta erantzukizuna. Baina ez soilik egileak. Simon Biles gimnasta estatubatuarrak «sistema» jo du hainbat urtez AEBetako selekzioko mediku izan zuenaren esku jasandako sexu abusuen erruduntzat. Errua Larry Nassar medikuak berak du, bai, eta espetxealdi luzea ari da betetzen ehunka gimnastari abusuak egiteagatik. Baina, harago jo du Bilesek, eta gako garrantzitsu bat eman du. «Sistemak» bazekien zer gertatzen zen, eta gerta zedin utzi zuen. Sistema, kasu honetan, AEBetako olinpiar batzordea, gimnastika federazioa eta FBI bera dira, ez zutelako Nassar gelditzeko ezer egin, eta horrek dozenaka biktima gehiago izatea ahalbidetu zuelako.

Indarkeria matxista botere posizio batetik egiten den bortizkeria da, ingurukoen isiltasuna konplize izaten duena, eta Bilesen kasuak berriro ere oihartzun mediatikoa eman dio beste hainbat toki eta esparrutan isilpean gertatu izan eta gertatzen denari.

Isiltzeak, ez ikertzeak, beste alde batera begiratzeak... babesten du indarkeria hori gauzatzen duen pertsona; badaki «sistema» oso bat duela lagun. Sistema hori irauli behar da, errotik aldatu. Indarkeria matxista estrukturala delako, aldaketak ere estrukturala izan behar du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.