Albistea entzun

HIZPIDEAK

Iraganean

Martxelo Otamendi Egiguren -

2021eko otsailak 4

Badakite herritarrek zer eraman behar duten soinean manifestazio batera joango diren hurrengoetan: Urkullu lehendakarirentzat errespetagarria izango den erakunde sozial baten karneta. Hori erakutsi digu Araba, Bizkai eta Gipuzkoako agintari nagusiak barkamena eskatu dionean ertzain baten borra kolpe gogorra bezain zuriezina buruan jaso zuen Javier Gomez CCOO sindikatuko zuzendaritzako kideari.

Ezohikoa izan da erantzuteko hartu duen presa; izan ere, Urkulluk ez baitu itxaron kolpea eman zuen ertzainaren jardunaren gainean zabaldutako ikerketaren emaitza bukatu arte. Zergatik presa hori? Jaurlaritzak bultzatutako elkarrizketa sozialaren mahaian esertzen den sindikatu bateko goi karguduna jo dutelako? «Biktima guztiak ez dira berdinak» mingarri hartatik «jotako guztiak ez dira berdinak» berrira pasatzen ari gara? Ez da bidezkoa, injustua delako, jo dutenaren ideologiaren arabera eskaintzea babesa erakunde publikoek. Urte askotan egin da hori estatuaren biktimekin, eta ezin da eskema hori errepikatu orain herritarrekin.

Akituta iritsiko da Urkullu lehendakaria legegintzaldiaren bukaerara borra arineko ertzain batek —beltzak deritzotenek batik bat— justifikaziorik gabe herritar bat bortizki jotzen duen aldiro barkamena eskatu behar badu.

Javier Gomezi eta kide den CCOO sindikatuari errespetu guztiarekin idatzitako lerroak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...