Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

HIZPIDEAK

Gobernu «aurrerakoia»

Iñaki Petxarroman -

2019ko ekainak 6 - @petxarroman

Gobernu «aurrerakoia» osatu nahi du Maria Txibite PSNko idazkari nagusiak Nafarroan, baina hartatik kanpo nahi du EH Bildu, bere hitzetan, «aurrerakoia» ez delako.

Gobernu «aurrerakoia» osatu nahi du PSNk, baina Geroa Bai hartu du bazkide nagusi, eta haren barnean EAJ ere badago, zeina aurrerakoitzat jotzeko malgutasun dezenterekin hartu beharko litzatekeen hitzaren esanahia.

Gobernu «aurrerakoia» nahi du Maria Txibitek, eta EH Bildu operazio horretatik aparte nahi du, baina bazkide hartuko lituzkeen hiru indarrekin —Geroa Bai, Elkarrekin Podemos eta Ezkerra—23 boto besterik ez luke parlamentuan; hau da, gehiengorako hiru botoren faltan geratuko litzateke.

Gobernu aurrerakoia nahi du PSNk, baina Ferrazek argi esan dio ez dagoela ados, haren iraunkortasuna EH Bilduren esku geratuko litzatekeelako, eta hori marra gorri bat delako Espainian agindu nahi duen lehen indarrarentzat.

Gobernu aurrerakoia egin nahi du PSNk Nafarroan, baina ez dauka ez gehiengorik, ez baimenik, ez berme politikorik. Eta, EH Bilduren nolabaiteko onespenik gabeko exekutibo bat osatzea ezinezkoa duenez, agian hobe luke herritarrei etsipena aurreztu eta argi esatea zeintzuk diren beste aukera errealak: hau da, Navarra Sumari gobernatzen uztea edo Navarra Sumarekin batera gobernatzea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.