HIZPIDEAK

Arrakala Turkian

Jakes Goikoetxea -

2019ko ekainak 25
Ekrem Imamogluren garaipen zabalak itxaropena piztu du Turkian eta Turkiatik kanpo, arrakala adierazgarria baita Recep Tayyip Erdoganen botere pilaketan eta harrizko agintekerian. Pitzadura garrantzitsua da, lekuagatik, neurriagatik eta zabaldu den moduagatik: Imamogluk (CHP) Istanbulgo alkatetza lortu du, herrialdeko hiririk garrantzitsuena; 800.000 botoren aldea atera dio AKP Erdoganen alderdiko hautagaiari; eta garaipena lortu du Erdoganek eta AKPk hauteskundeak errepikatzea bultzatu eta gero, porrota irregulartasunekin estali nahirik.

Hala ere, itxaropena piztuta ere, ikusteko dago ea arrakala zabalduko den, Erdogan eta haren boterea kolokan jartzeraino. 2023ko hauteskundeak dira erronka, eta ikusteko dago Imamogluk urteotan zer egingo duen. Ea 2023an —edo lehenago, Erdoganek hauteskundeak aurreratzen baditu— harekin parez pare lehiatzera ausartuko den. Ausartuz gero, herritar askorentzat ezezaguna izanda, ea egoera ekonomiko kaskarrak eta Erdoganen nagusikeriak haserretutakoak erakartzeko gai izango ote den.

Turkia da. Erdogan da. Edozer egiteko tentazioa izan dezake, inpunitateak eta herrialdetik kanpoko isiltasun konplizeak lagunduta. Hala ere, ondo neurtu beharko ditu erabakiak, Imamogluren kontrako erabakiak bere kontrakoak bihur baitaitezke.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna