HIZPIDEAK

Zuriketa berdea

Amagoia Mujika Tolaretxipi -

2019ko abenduak 7

Madrilgo COP25eko Eremu Berdean sartu bezain pronto, panel argitsu bat nabarmentzen da: Iberdrola hizkiak ageri dira handi eta berde, beste hainbat enpresaren iragarkiez inguraturik. Eremu horretan gazte batzuk egiten ari diren aldarrikapenengatik ez balitz, pentsa liteke Ifeman ez dela klima larrialdiaz hitz egingo. COP25a osatzen duten sei pabiloiak milaka funtzionario, kazetari eta zientzialariren topagune dira egunotan, baina baita hamaika enpresaren elkargune ere. Hain justu, enpreson publizitate mezuak salatu dituzte ekintzaileek. Izan ere, azoka aproposa da greenwashing egiteko, alegia, kutsatzen duten enpresek euren jarduna aldarrikapen ekologistaz mozorrotzeko.

Corporate Europe Observatoryko ikerketek, ordea, agerian utzi dute energia korporazioek «atzeratu, ahuldu eta sabotatu» egin dituztela Europako Batasunak klima larrialdia eragozteko dituen egitasmoak, lobbyek egiten dituzten gastu handien eraginez. Besteak beste, BP, Shell, Chevron, ExxonMobil eta Totalek 123 milioi euro jarri dituzte azken urteotan presio egiteko.

Milaka lagun atera ziren atzo Madrilen eta Santiagon (Txile), behingoz neurri eraginkorrak eskatzera, baina nekez balioko dute ezertarako COP25 bezalakoek, multinazionalak zuritzeko guneak izaten jarraitzen badute.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jedea Bilboko metrotik irteten, maskara jantzita ©Luis Tejido/EFE

Berrehun positiboren langa gainditu da seigarren egunez jarraian Hego Euskal Herrian

Berria

Azken orduetan 224 kasu atzeman dituzte. Positiboetatik 123 Bizkaian detektatu dira.

Maskara jantzitako emakume bat Donostiako autobus geltokian, eskailera mekanikoak jaisten. ©Gorka Rubio / FOKU

Pandemiak emakume eta gizonen arteko desberdintasunak sakondu dituela dio Emakunderen txosten batek

Maddi Ane Txoperena Iribarren

Osasuna, ordaindu gabeko zaintza lanak, enplegua, indarkeria matxista, bazterkeria eta parte hartzea azken hilabeteotan nola aldatu diren aztertu du Emakundek. Egoera hobetzeko gomendioak egin dizkie erakundeei.

Errepidea blokeatuta Manilan, kasu kopuru handiaren ohartarazpena egiten duen kartel batekin. ©FRANCIS R. MALASIG / EFE

COVID-19ak munduan hemezortzi milioi kasuren langa gainditu du

Jone Bastida Alzuru

OMEk ohartarazi du kasuak bikoiztu egiten direla sei astetik behin. Erakundearen arabera, baliteke inoiz ez egotea sendabiderik. Uztailean inoiz baino kasu gehiago hauteman dituzte munduan

Angelu eta Miarritzeko gaueko garraioak geldituko dituzte

Ekaitz Etxamendi

Euskal Hirigune Elkargoak jakinarazi du Angelu (Lapurdi) eta Miarritzeko (Lapurdi) hondartzetako gaueko garraioak geldituko dituztela, Covid-19aren hedapena murrizteko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna