Albistea entzun

HIZPIDEAK

Klubaren babesa

Mikel Rodriguez -

2020ko abenduak 30 - @MikelR28

Shanghaiko auzitegi batek Zhang Zhan kazetariari ezarri dion kartzela zigorraren salatzaile gogorrenetako bat izan da EB Europako Batasuna. EB, ordea, ez da erakunde zibil bat edo gobernuz kanpoko talde bat; EB estatu burujabeen klub bat da. Hortaz, estatu burujabe horiek bertze estatu burujabe batek egin dituen eskubide urraketak salatu dituzte. Eta ez nolanahiko tonuan, Josep Borrell EBren diplomazia arduradunak Zhang torturatzea egotzi baitie Txinako agintariei, «iturri sinesgarriak» aipatuta.

Txinak eskubideak urratzen dituenean, ahotsa altxatu ohi du EBk, nahiz eta politikoki eta ekonomikoki horrek ez duen bertze munduko ondoriorik izaten normalean. Baina deigarria da EBko estatuek antzeko eskubide urraketak egiten dituztenean ordezkari politikorik ez dela agertzen jendaurrera estatu hori epaitzera. Gertatzen da batzuetan; errate baterako, Hungariako eta Poloniako gobernu ultrakontserbadoreekin, zenbaitetan batasunaren ildo komuna zalantzan paratu dutelako, akaso. Baina EBren mendebaldean badago erresuma handi samar bat halakoak eta bi egin dituena, eta egiten dituena oraindik ere, Borrellek ezin hobeki ezagutzen duena, eta arrunt gutxitan egin diotena errietarik jendaurrean. Izan ere, EB zuzenbidearen itsasargi moral bat baino lehenago baita klub bat, eta klubek, normalean, bazkideak babesteko joera dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hutsaren bahea
Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...