Albistea entzun

HIZPIDEAK

Gora eta behera luzerako

Martxelo Otamendi Egiguren -

2021eko azaroak 30

COVID-19aren aurkako txertoa denbora errekorrean sortu izanak asko arindu du infekzioak sortutako kaltea eta, oraingoz, hari aurre egiteko daukagun tresna mediko bakarra da. Baina ez gaitu erabat immunizatzen, eta horregatik dabiltza infekzioaren adierazleak gora eta behera, olatuz olatu ikusten ari garen legez. Goranzko joeran gaude orain gure inguru zabalean. Eta horrela izango da medikuntzak gaitz hori harrapatzetik erabat libre uzten gaituen arte. Ez du ematen epe laburrean iritsiko denik.

Oso azkar igotzen da infektatuen kopurua, abiada bizian, eta horrekin batera hasten dira ondorio larriak: konfinatuak, erietxeratuak eta hildakoak. Aurreneko olatuetan argudia genezakeen ez genekiela birusak nola funtzionatzen zuen; orain, badakigu. Kopuruak asko jaitsita ere, badakigu ezinezkoa dela behe maila horietan kateatzea, eta atsedenaldi sozial baten ondoren berriro joko duela gora. Beste konponbiderik ezean, oso litekeena da txertoa urtean bi bider hartu behar izatea, eta segurtasun neurriekin segitu behar izatea: maskara, murrizketak...

Bien bitartean, estatu nagusiek aurpegia garbitzeko baino balio ez duten itxurazko bilerak egiten segituko dute, baina ez dute erabakiko garrantzitsuena: txertoa mundu osoan zabaltzea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.