Albistea entzun

HIZPIDEAK

Euskara ez da eskubide bat

Eider Goenaga Lizaso -

2022ko ekainak 1 - @EiderGoenaga

Kontsumitzaileen eskubideak arautzea eta bermatzea helburu hartuta, lege berri bat atontzen ari dira Eusko Legebiltzarrean. Eusko Jaurlaritzak lege aurreproiektua aurkeztu du, eta, lege horren arabera, euskara ez litzateke eskubide izango, ez behintzat beste eskubideen mailan.

Entitate pribatu eta publikoen betebeharrak eta horiek ez betetzeagatik ezar daitezkeen zehapenak jasoko ditu lege berriak; baina bada atal bat, lege proiektua bere hartan onartuz gero, isun edo zigorrak jasotzetik salbuetsita geldituko dena: hizkuntza eskubideei dagokiena, hain zuzen ere. Berriro ere, euskara sustatu, suspertu, bizkortu eta bultzatzea aipatuko da testuan, baina, zehapenik jasotzen ez den bitartean, askok ez dute bete beharrekotzat joko, eta, ondorioz, nekez beteko da. Kontsumitzaileei eragiten dieten gainerako puntuak ez betetzeak zigor bat ekarriko badu, euskarari dagozkionak ez betetzeak zergatik ez?

2003ko legeak isunak jasotzen zituenez gero —Patxi Lopezen gobernuak moldatu zuen lege hura, 2012an—, lege berriari eskatu beharko litzaioke gutxienez orduko estatusa berreskuratzea, eta, benetan euskararen aldeko apustua egin behar bada, beste eskubideen mailan jartzea. Garaiz da oraindik legea moldatzeko. Gutxienez 2003koa berreskuratu beharko litzateke, eta, hogei urte igaro direla kontuan hartuta, hori ere ez litzateke ausartegia izango.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...