HIZPIDEAK

Liburuekin bakean

Martxelo Otamendi Egiguren -

2020ko abuztuak 1

Euskal kulturaren eta euskararen kostaldea argitu duen itsasargia itzali zen atzo Joan Mari Torrealdairen heriotzarekin. Itsasargia, dorrea, itzali da, baina luze iraungo du Torrealdaik hamarkadotan euskalgintzako ontziei erakutsitako argiak. Lemazain bikaina zen, trebetasun berezia zeukan taldean lan egiten; aspaldi ohartu zen ahulegiak zirela euskararen aldeko egiturak nork bere aldetik jarduteko.

Euskara landuaren eta kulturaren bultzatzaile nekaezina izan zen. Frantzian ezagutu zuen hizkuntza jasoaren beharra, etorkizunean indartsu iraun nahi zuen hizkuntzak ezinbesteko edukiko zuela edozein gai jorratzeko prestasuna. Horregatik bultzatu zituen euskarazko komunikazioarekin eta produkzioarekin lotutako egitasmoak: Jakin, Anaitasuna, Elkar, Euskaldunon Egunkaria, liburugintza...

Horretan hamarkadak eman zituen Torrealdaik, Guardia Zibilaren mandatuetako morroi lana egin zuen Juan del Olmo magistratuak Euskaldunon Egunkaria indarrez itxi eta hamar kide atxilotzea agindu zuen arte.

Epaiketaren bukaeran, azken hitza hartzean, Torrealdaik magistratuei esan zien bere bizitzako azken urteak bere senideekin eta bere liburuez inguratuta igaro nahi zituela. Eduki dezala Torrealdaik orain Del Olmok eta torturatu zuten guardia zibilek ukatu zioten bakea, liburuz inguratuta.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga Jaurlaritzako Osasun sailburua agerraldi batean. ©Javier Etxezarreta/EFE

Murga: «Hau bigarren olatua da»

Olatz Esteban Ezkati

Azken orduetan nabarmen ugaritu dira kasuak Hego Euskal Herrian: 419 positibo atzeman dituzte, atzo baino 108 gehiago.

Bastidan, mahats bilketa, 2018an. ©Jaizki Fontaneda / Foku

Araban ere PCRak egingo dizkiete sasoikako langileei

Berria

Arabako Errioxan mahats bilketan 2.500 eta 3.000 langile artean ibiltzea espero da, eta Jaurlaritzak baieztatu du aukera hori aztertzen ari direla. Nafarroak sasoikako langileei eginiko lehen proben emaitzak jaso ditu: denek negatibo eman dute.

Azkaineko (lapurdi) eskolako sartzea, itxialdiaren ondotik. ©Guillaume Fauveau

Bidarteko udalekua itxi dute langile batek positibo eman duela eta

Oihana Teyseyre Koskarat

31 haur izan dira kontaktu zuzenean. Udalekua hetsirik egonen da bi egunez gutxienez. Maskara derrigortu dute Bidarten, Ezpeletan, Getarian (Lapurdi) eta Donibane Garazin.

Aguraingo plaza. ©Aritz Loiola/FOKU

Aguraingo Kokolo eta Donostiako Ramuntxo Berri tabernetan izan direnei proba egitera joateko eskatu die Jaurlaritzak

Berria

Agurainen, uztailaren 29tik abuztuaren 2ra han egon zirenei egin die deia; Donostian, berriz, uztailaren 26tik abuztuaren 3ra egondakoei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna