HIZPIDEAK

Klientelismoa

Amagoia Mujika Tolaretxipi -

2019ko otsailak 23
Herrialde batzuetan, dimisioa emateko nahikoa izaten da trafikoko arauak haustea. Aida Hadzialic Suediako ministroak alkoholemia kontrolean positibo emateagatik utzi zuen kargua, eta Chris Huhne britainiarrak, berriz, saiatu zelako ezkutatzen gidatzeko hainbat puntu galdu zituela. Baina hemen ez dago halako ohiturarik. Urteetan agintzera ohitua dagoenaren nagusikeria ez dagoelako arriskuan, eta, Osakidetzaren kasuan, zerbitzuburuen boterea pisuagoa delako duintasun politikoa baino.

EAEko fiskalburu Carmen Adanen ikerketak dioena indartu besterik ez dute egin medikuek: azterketekin gertatu dena ohiko praktika dela, egiturazkoa, eta ez, Jon Darponek dioen bezala, sistemak eragotzi ezin dituen norbanakoen akatsak; lanpostuak eskuratzeko klientelismo sistemarekin lotua dago iruzurra, arduradunen begikoak sartzeko joeran oinarritua. Denbora kontua besterik ez zen praktika ustelen auzia piztea, eta orain piztu da. Sailburuak —mediku izan baita— ondotxo daki zer dagoen, baina, hala ere, ondorio politikorik ez dago, osasun boteredunek txiki-txiki egin ditzaketelako sistema sostengatzen dutenak eta sistema bera. Hauteskunde garaiotan kalkulatua dute ez dela bozak baino lehenago izango ikerketak epaiketarako har dezakeen bidea, eta, bien bitartean, zaparrada pasatu arte ezer ez egitea da egitasmoa, sistemak bizirik iraun dezan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna