HIZPIDEAK

Kartzelan hil

Jakes Goikoetxea -

2019ko maiatzak 9

Zer demontre gertatzen da espetxeen barruan? Zer eratako legeek agintzen dute gizartetik bakartuta aritzeko sortutako eremu horietan? Nori eman behar dizkiote azalpenak espetxeen kudeatzaileek? Inork eskatzen al dizkie argibideak?

Errealitate paraleloak dira kartzelak. Halakoak izateko sortuak direnez, hala funtzionatzen dute, bai barrura begira, bai kanpora begira. Eta ez dirudi espetxeen arduradunik asaldatzen denik. Ezta agintari politikorik ernegatzen denik, espetxeak kudeatzeko eskumenik eduki gabe ere, herritar bat espetxean hiltzen delako. Badira droga gaindosiagatik hildako presoak. Espetxe barruan. Eremu isolatu batean. Estatuaren zaintzapean eta ardurapean. Eta ez da ezer gertatzen.

Heriotzen larritasunari gehitu egin behar zaio heriotzen ostean espetxeetako arduradunek izan ohi duten jokabide krudela eta arduragabea. Hala azaldu eta salatu dute Jonathan Costillas eta Xabier Gonzalez Garcia presoen senideek. Heriotzaren abisua, berandu. Tratu hotza, urruna eta gutxieslea. Babesik eta enpatiarik gabea: telefono dei bat eta bost minutuko bilera bat. Eskubideei buruzko informaziorik ez: senidearen gorpua erraustua izan eta bigarren autopsia egiteko eskubidea galtzeraino. Heriotza eta heriotzaren zergatiak ezkutatzeko joera. Buroerrepresioa deitu dio Salhaketako Cesar Manzanosek. Kartzelak inpunitate eremu dira oraindik ere, barruan eta kanpoan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Raiundo Berri taberan izan zirenak PCR proba egiteko zain, Okendu kultur etxean gaur goizean. ©Gorka Rubio/FOKU

500 positibotik gora atzeman dituzte Hego Euskal Herrian

Berria

Atzo baino 119 kasu gehiago izan dira. Ospitaleratzeak areagotu egin dira azken orduetan.

Lasarte-Oriako klasururako konbentua itxita, gaur. ©Javier Etxezarreta / EFE

Lasarte-Oriako klausurako komentu bateko moja guztiek positibo eman dute

Berria

Hamar izan dira positiboak guztira. Alkateak adierazi du agerraldia kontrolpean dagoela.

Kutsatze kopuruen azken datuek gora egin dutela ikusita zientzialariak gaineratu du gaitzak “arazo bat” izaten jarraitzen duela. ©Gorka Rubio / FOKU

Bengoak uste du egoera «larria» dela

Aloña Beraza Peña

Ikuskaritza independente bat eskatu dute gertatu dena ikertzeko, egin diren hutsegiteak berriz ere egin ez daitezen, eta aurrera begira ikasteko.

PCR proba egiten gaur, Donostiako Okendo kultur etxean. ©Gorka Rubio/FOKU

Gasteizko Kilimanjaro diskotekan eta Xixilu jatetxean, eta Galdakaoko Muguru tabernan egon zirenei proba egiteko eskatu die Jaurlaritzak

Berria

Gasteizko diskotekan uztailaren 17tik abuztuaren 6ra izan zirenek egin beharko dute testa, eta uztailaren 31tik abuztuaren 4ra jatetxean egondakoek. Galdakaon, tabernan uztailaren 27tik abuztuaren 4ra egon zirenek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna