Albistea entzun

HIZPIDEAK

Zigor erantsi gehiago

Martxelo Otamendi Egiguren -

2020ko abenduak 8

Tristea da irakurri behar izatea beren senide eta lagunengandik urrutian espetxeratuta dauden euskal preso politikoek ez dutela Zuerako kartzelara (Zaragoza, Espainia) hurbilduak izatea nahi; kontraesanezkoa delako urrunketa bukatu nahi izatea eta etxetik orain artekoa baino gertuago dagoen espetxera joan nahi ez izatea.

Baina preso horien nahia ez da apeta hutsa, atzo Motibazio Politikoko Euskal Presoei Aplikatutako Espetxe Politikaren Behatokiak jakinarazi zuenez. Behatokiak salatu zuen Zuerako kartzela horretan, bertako arduradunek horrela erabakita, galarazi egiten zaizkiela presoei gradu aldaketak eta, ondorioz, bizitza normalizatuagoa egitea errazten dieten espetxe onurak. Hurbilago bai, baina beti bezain egoera ankerrean.

Zueran gertatzen denak aurrrez aurre jotzen du birgizarteratzea helburu duten espetxe politikarik oinarrizkoenekin. Urrunketa ez zigor kodean ezta sententzian ere agertzen ez den zigor erantsia da; eta urrunketaren zigor erantsia desagertzeko lehen urratsak hasi direnean, badirudi Zuerako tratamendu batzordeak bere aldetik erabaki duela beste zigor bat jartzea euskal preso politikoei: gradu aldaketarik ez.

Begi-bistakoa da espetxe horretako arduradunek ez dutela maite urrunketa bukatzea. Horregatik ari dira eginahal guztian eragozpenak jartzen hurbiltzen dizkieten presoei.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...