Albistea entzun

HIZPIDEAK

Bat egiteak autoen ekonomian

Martxelo Otamendi Egiguren -

2021eko urtarrilak 5

Beste sektore ekonomiko askotan jazo legez, auto salmentak nabarmen egin du behera igaro berri den urtean, gure herrian eta mundu osoan. Ez dira asko izango iazko martxotik gaurdaino gora egin duten sektoreak; pandemiak ondorio kaltegarriak eragin baititu sektore guztietan, eta sektore horietako langileengan.

Duela 12 urte, 2008an, hasi zen krisi ekonomikoak bat egite asko behartu zituen: bakarrik jardun ezin, eta ordura arte konpetentziatzat zeukatenarekin batu beste erremediorik ez zuten izan. Oso desberdinak dira bat egiteak sendo dagoen handi batek sendo dagoen txiki bat irensten duenean eta etorkizunari nola aurre egin garbi ikusten ez duten bi enpresa kulunkarik bat egiten dutenean. Hamarkada askotan, atomizazioa izan da ezaugarri nagusia, enpresa asko baitzeuden sektore bakoitzean elkarren lehian.

Atzo jakin genuen oniritzia daukala Peugeot eta Fiat marka komertzialen atzean dauden bi enpresek enpresa bakarra osatzeko asmoak. Duda handiak daude autogintzaren sektorearen etorkizunaz, «erregai berdea + digitalizazioa» bikotearen aplikazioak hankaz gora jar dezakeelako autoaren kontzepzioa eta, ondorioz, merkatua.

Zertarako eduki auto bat jabetzan egunean bi orduz bakarrik erabiltzeko? Digitalizazioak erabilera partekatua eta automatizatua ekar dezake, eta askoz auto gutxiago beharko dira jende kopuru bera garraiatzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...