Albistea entzun

HIZPIDEAK

Estutasunik gabe

Mikel Rodriguez -

2021eko urtarrilak 20 - @MikelR28

Christine Aschbacher Austriako Lan ministroak dimisioa eman zuen duela 11 egun, blogari batek salatu ondoren plagioa egin zuela 2006an aurkeztu zuen unibertsitateko tesian. «Eskandalu» solasa erabili zuten nazioarteko prentsan kasua izendatzerakoan, eta Aschbacherrek erran zuen «jasan ezinezko indarrez eginiko erasoak, asaldura politikoa eta liskarra» pairatu zituela.

Espainian dimisioa eman behar izan duen azken ministroak ere antzeko arrazoi batengatik eman zuen, 2018an. Carmen Monton Osasunekoak tesian plagioa egin zuela argitaratu zuen hedabide batek, eta, presioa handitu ahala, kargua utzi zuen. Pedro Sanchezen lehen agintaldian izan zen, eta gobernu hartan dimisioa eman zuen bigarren ministroa izan zen Monton. Lehenago, Maxim Huerta Kulturakoak eman zuen, zerga iruzurra egina zuela jakin zelako.

Europako Giza Eskubideen Auzitegiak, estatuko indarren aurkako tortura salaketa «sinesgarri bat» ez ikertzeagatik, bertze zigor bat eman dio Espainiari, 11.a gaurdaino; eta 11 horietatik seitan, gaur egungo Barne ministroa zen instrukzio epailea. Hala ere, nazioarteko giza eskubideen auzitegi baten zigorren erantzule izatea ez da ministro bat estu hartzeko motibo Espainian. Euskal gatazkan estatuko indarrek torturatu egiten zutela ukatzeko estrategia ofizialaren ondorioak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...