Albistea entzun

HIZPIDEAK

Argazkiaren ezagutza

Martxelo Otamendi Egiguren -

2021eko otsailak 2

Usadioaren eragina izango da, eta baita kopuruarena ere, baina, arte museo batez hitz egiten entzuten dugunean, gehienetan koadroak eta batzuetan eskulturak datozkigu burura. Baina, zorionez, bada artearen munduan hori baino esparru gehiago, nahiz anai-arreba txikiaren tratamendua eduki askotan. Argazkilaritza da horietako bat, kontraesanean bizi dena; argazkiz inguratuta gaude —berripaper hau bera lekuko—, baina, era berean, ez diegu ematen arte izateko aski meritu.

Defizit horren jakitun, eta argazkiei eta haien egileei merezi bezalako ezagutza eskaintzeko, sortu zuen bere herrian Ramon Serras argazkilari zarauztarrak Photomuseum, Leopoldo Zugaza nekaezinarekin batera. Lan handia egin du hamarkadotan Serrasek argazkiei ikusgarritasuna ematen, herritarrak argazkigintzan formatzen; argazkiez zerbait gehiago jakin nahi duenarentzat ezinbesteko erreferentzia bihurtuta.

Igandean hil zen Serras, erreferente handia gure herriko argazkilaritzan eta gure herriko argazkilarientzat, lan handia egin ondoren. Gozogile ogibidez, pastelak egiten zituen abilezia berarekin egiten zituen argazkiak, antolatzen zituen erakusketak, eta eratzen zituen ikastaroak.

Serras bezalako askoren lanari esker, kultuagoak gara denok.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...