Albistea entzun

HIZPIDEAK

Alkate boteretsuen aroa

Mikel Rodriguez -

2021eko otsailak 24

Euskal Herriko politikan pertsona nabarmena izan da Jean Grenet azken hamarkadotan. Baionako auzapez hemeretzi urtez, 1995etik 2014ra arte, eta hamar urtez diputatu Frantziako Legebiltzarrean. Iparraldeko notable nagusietako bat, eta notabilismoaren esentzia ongi gorpuzten zuen sendi bateko kide, haren aita Henrirengandik hartu baitzuen herriko etxeko ardura, 1995ean. Aita-semeek 55 urtez jarraian agindu zuten Baionan.

Futbolzale porrokatuentzat ezagunagoa izanen da akaso Henriren biloba eta Jeanen seme François, Bordeleko Girondinseko jokalaria bederatzi urtez, eta nazioarteko futbolean partida bat jokatutakoa: Euskal Herriarekin, 1998an, Uruguairen aurka —eta ez, frantsesezko Wikipediak dioen bezala, 1993an Boliviaren aurka; hura bertze lapurtar bat izan zen, Greneten taldekide Bixente Lizarazu—.

Euskal Herriko hiriburu nagusi gehienetan urte luzez agindu zuten alkate boteretsuen aroa izan zen Grenetena: Odon Elorza Donostian (1991-2011), Iñaki Azkuna Bilbon (1999-2014), Yolanda Barcina Iruñean (1999-2011). Alkate mediatikoak, eroso sentitzen zirenak udal botereak erraztu ohi duen protagonismo pertsonalarekin. Notableak, mugaren bi aldeetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna