Argentinako egiak

Zenbat torturatzailek dute torturatzaile izen ofizialtzat edo ofiziozkotzat? Zenbat abokatuk, politikarik, epailek, kazetarik eta bestekosatzen dute torturatzailearen sistema eraginkorra? Argentina bat letorkioke edonori gogora, tortura eta hilketa sistematizatu aitortuaren estatua irudikatzerakoan. Espainiako Estatua ez,ordea.Maite du, berriz, hark Argentinaren justizia.

Mikel Zabalzaren kasuak hartu du aktualitatea azkenaldian, baina PSOEk berekin zerikusirik izango ez balu bezala egiten jarraitzen du, «justizia erakundeen esku»dagoela esatea oraindik ere errentagarri egiten zaiolako.Jose Miguel Etxeberria Naparra-k ere izan zuen atzo lekurik: haren desagerpena argitzeko Eusko Jaurlaritzak txosten bat argitaratu du. 1980an desagerrarazi zuten; 41 urte igaro dira, eta hainbat ikerketabidek pareta jo dute. Auzia hor dagoela gogorarazi dute, inork ez baleki.

Zoritxarrez ez dira bakarrak. Egiari Zor fundazioak 1961etik torturen ondorioz hildako hamalau pertsonaren kasuak azaldu ditu, xehe. Hildakoek utzitako arrastoa argitu beharraz gain, tortura praktika bizi-bizi dutenen hamaika lekuko daude, atxilotze zentroetan tortura praktika sistematikoa izan dela diotenak, ondo diseinatutako egiturari esker.Eta ez da Argentina.