Albistea entzun

HIZPIDEAK

Itzulera poliziala

Martxelo Otamendi Egiguren -

2021eko maiatzak 4

Iraganera erantsita nahi gaituztenek eragindako bi albiste ezagutu genituen atzo, auzitegiekin lotura estuarekin biak. Estuegia, bistan denez.

Uztailean egingo dute 13/13 auziaren epaiketa Espainiako Auzitegi Nazionalean, zortzi euskal herritarren aurka. Horietako batzuk euskal preso politikoen defentsan ari ziren abokatuak ziren, eta atxilotu zituztenean 2010eko apirilean asko izan ziren salatu zutenak operazio juridiko-politiko horren helburu bakarra presoak babesik gabe eta gure herrian gertatzen ari zen prozesu garrantzitsutik kanpo uztea zela.

Atzo ezagutu genituen joan den astean Arrotxapean eta Burlatan atxilotutako hamar gazteei Espainiako Polizia Nazionalak leporatzen dizkien delituak: bost banketxeren eta bi dendaren aurkako erasoak egitea, zaborrontziak gurutzatzea eta poliziei harriak botatzea. Talde kriminala osatu dutela dio Poliziaren txostenak.

Badauzkate poliziek eta epaileak froga argiak, dudaezinak, hori ziurtatzeko edo, iraganera itzuliz, Auzitegi Nazionalean bezala Iruñeko auzitegian ere irentsi egiten dute, ezbaian jarri gabe, mugarik ez daukan literatura poliziala?

Kasu batean zein bestean, arrazoi bat baino gehiago dago salatzeko helburu politiko handia daukaten ekimen polizialak direla. Gertatuko dena ikuskizun, baina kaltea eginda dago bi auzietan sartu dituzten herritarrei.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...