Albistea entzun

HIZPIDEAK

Testak, irabazi handiko negozioa

Amagoia Mujika Tolaretxipi -

2021eko abenduak 18 - @mmuxika

Farmazietako antigeno testen festa dago azkenaldian Hegoaldean, inguruko norbaitek positibo eman edota norberak susmoren bat izan, eta botikara joan beste erremediorik ez du, sudur zuloak astintzeko gailua erostera, osasun etxeek berehala ematen ez duten zerbitzuaren premia dagoelako, positiboak kateatu daitezke eta. Arduratsu jokatu beharraren eta halabeharraren ondorioz, derrigorrezkoa bilakatu da erosketa saskian; derrigorrezkoa, ahal dutenen saskian.

Negozio ederra egiten ari dira herritarren beharren kontura. Gainera, test horiek ez dute ofizialki ezertarako balio. COVID ziurtagiriaren baliokide izan daitekeen antigeno testa eskuratzeko, zentro jakin batzuetara joan behar da Hegoaldean, eta 48 orduko ofizialtasuna besterik ez da lortzen, gutxienez 35 euro ordainduta. Iparraldean botiketan egin dezakete; txertaturik daudenek, doan, eta gainerakoek, hogei eurotik gora ordainduta.

Txertoa jartzea hautazkoa bada, hala izan behar duen eztabaidan sartu gabe, eta antigeno eta PCR testak egiteko beharra badago, doan izan beharko lukete leku guztietan eta egoera guztietan, unibertsaltasun eta berdintasun printzipioa urratu nahi ez badira. Ziurtagiriak, bere hutsean, eskubideak murrizten baititu, ez kutsatzeak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hutsaren bahea
Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.