HIZPIDEAK

Bolsonaroren gainbehera

2019ko ekainak 11 - @mmuxika

Lava Jato operazioa: Brasilgo politika astindu eta irauli zuen kausa, Luiz Inacio da Silva Lula espetxera eraman zuen prozesua, «gaizkile erakunde baten buru»izateagatik, noiz eta inkesta guztiek irabazle argitzat jotzen zutenean. Jair Bolsonaro eskuin muturreko hautagaiak aukera gutxi zeukan orduan, baina erraztu egin zioten botererako bidea, lehiakide giltzapetuari aurkezteko eskubidea kendu ziotenean. Sergio Moro izan zen Lava Jato-ren instrukzio epailea, egungo Justizia ministro ahalguztiduna: aurrekaririk ez duen ministerioa eman zion Bolsonarok Morori kargua hartzean, justiziari ez dagozkion botereak emanez.

Brasilgo prozesu judizialak eta politikoak hartu zuten norabidea ikusita, inor gutxik sinesten zuen epaileak inpartzialak izan zirela. Baina orain, susmoak ez ezik, frogak ere badaude baieztatzeko konplot judiziala egon zela. Besteak beste, Sergio Mororen, Deltan Dallagnol fiskalburu ebanjelistaren eta auziko abokatuen arteko elkarrizketak azaleratu ditu ikerketa batek, eta erakutsi fiskalen xedea zela Lularen PT Langileen Alderdiaren garaipena trabatzea.

Bolsonarori inoizko babes gutxien duen garaian lehertu zaio auzia, brasildarrak haren kontra protestara ateratzen hasi diren honetan. Presidentea eroria dela esateko goizegi den arren, amaieraren hasiera izan da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Albiste gehiago

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.