Hiru administraziotan banaturik, bi estaturen menpe, eta Osasun Ministerioek agintzen omen dituzten irizpideen araberako bizitza egitera behartuak. Ministerio horiek mugitzen omen dituzten datuen esanetara. Baina datuak ez dira garrantzirik gabeko informazio multzo bat, errealitatea interpretatzeko eta manipulatzeko tresna eraginkorrak baizik. Eta datu horiek osasunaren eta hura kudeatzen duten ministerioen interesen gainetik daude, inoiz baino gehiago, eta mugak mugaturik.
Nola ulertu bestela kilometro eskasetara bizi diren ume batzuek paseatzera ateratzeko aukera izatea konfinamenduaren lehen egunetik, eta beste batzuek etxean 40 egun baino gehiago egin behar izatea? Nola eskolei dagokienez hartutako neurriak? Lanari buruz, berriz, ezberdintasun handirik ez. Osasunak agintzen omen du erabaki larriak hartzerakoan, abiadura handiko trena geratzen ez den bitartean, baldin eta enpresari handien jarduerak eteten ez badira.
Eta herritarrak, bien bitartean, batzuen zein besteen datuen interpretazio-manipulaziora egokitzera behartuak, osasunaren hobe beharrez omen den askatasuna galtzeko prest, neurri zapaltzaileak txalotzen, eta mugaren bi aldeetara gero eta konfinatuago, gero eta urrunago.

HIZPIDEAK
Osasunaren hobe beharrez
Iruzkinak
Ez dago iruzkinik
Ordenatu