Albistea entzun

HIZPIDEAK

Tuteratik Leitzara

Martxelo Otamendi Egiguren -

2020ko apirilak 30

Mugak injustuak dira, askotan, bizitzaren edozein arlotan; adinean bezala, geografian. Eta zentzu onaren aplikazioa bezalakorik ez dago mugek eragiten dituzten injustiziak konpontzeko edo, gutxienez, leuntzeko. Beste horrenbeste gertatzen da arauen hertsitasunarekin.

Nahiz duela astebete Espainiako presidente Pedro Sanchezek berak iragarri konfinamendua arintzeko erritmo mailak estatua, autonomiak, probintziak eta udalak izango zirela, beste behin atzera egin, eta udalak kendu ditu asteartean ezagutarazitako arautegitik. Alegia, herrialdea da erritmoa zehazteko gutxieneko eremu erreferentziala. Probintzia bateko herri guztiek aldi berean egingo dituzte leuntze lanak, egoera birologikoan herrien artean egon litezkeen aldeak kontuan hartu gabe.

Espainiako Gobernuak erabaki du, oraingoz, herritarrak ezin izango direla igaro herrialde batetik bestera. Beraz, Mutrikutik ezin izango dira joan Ondarroara (6 km.), ezta Leitzatik Berastegira ere (9 km.). Baina bai Leitzatik Tuterara (150 km). Arauak sortzen duen arazoa senak konponduko du, erabakiak ez buru eta ez hanka ez daukalako.

Ez al da zentzuzkoagoa, konparazio batera, gehienezko kilometro kopuru bat ezartzea herritarren mugimenduak zehazteko orduan, begiratu gabe tarte horretan probintzia arteko muga bat dagoen edo ez?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...