Albistea entzun

HIZPIDEAK

Herri akusaziorik ez Zaldibarren?

Martxelo Otamendi Egiguren -

2021eko otsailak 23

Zaldibarko zabortegiko luiziaren harira ustezko bi delitu ari dira ikertzen epaitegietan. Lehenean, Alberto Sololuze eta Joaquin Beltran langileen heriotzak arduradun zuzenik ba ote daukan zehaztea dute helburu. Bigarrengoan, ingurumenaren aurkako delitua ikertuko dute.

Gure herriaren gatazka politikoarekin lotura eduki duten auzi askotan, ia gehienetan azken hamarkadotan, herri akusazioek —AVT, Dignidad y Justicia...— ez dute eduki inolako eragozpenik akusazio moduan jarduteko, kasu askotan fiskaltzak baino zigor handiagoak eskatuz. Orduan, auzitegientzat herri akusazio horiek oso tresna baliagarriak ziren, zaintzailearen papera betetzen zutelako, eta inork ez zuen kexua egiten herri akusazioaren figuraren gaineko abusua gerta zitekeelako.

Atzo jakin genuen Zaldibarren gertatutako hondamendi ekologikoaren auziko fiskaltzak eskatu diola instrukzio epaileari ez ditzala onar auzi horretan ez akusazio partikularrak ezta ere herri akusazioak. Baina auzi bat badago bete-betean justifikatzen duena herri akusazioaren presentzia, ingurumenaren aurkako delituena da, herritar guztiei egindako kalteak direlako: ingurumena ondasun kolektiboa da, herritar guztien eskubide bat. Epaileak ezin du eskubide horren aurka jo, fiskalak eskatuta ere.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.