Albistea entzun

HIZPIDEAK

Sasi-diziplina

Mikel Rodriguez -

2021eko ekainak 18 - @MikelR28

Historialarien artean mesfidantzaz hartu ohi den diziplina da historia kontrafaktuala, edo historia birtuala. Funtsean, inoiz gertatu ez diren gertakariak imajinatzea da, ahal den modu errealistenean ondorioztatzeko nola garatu ote zitezkeen. Klasikoena eta akaso nekagarriena: Alemaniak II. Mundu Gerra irabazi izan balu, nolakoa zatekeen egungo mundua? Tarteka, zenbait historialari ospetsuk ere egin dute historia kontrafaktualtzat har litekeen praktikarik. Errate baterako, Santos Julia katalanak, zeina aditua baitzen 36ko gerran, frankismoan eta trantsizio aldian, Espainia gerra zibilik gabe artikuluan ondorioztatu zuen Espainiako Errepublika Europa mendebaldeko demokrazia laiko baten gisan garatuko zatekeela. Ez iraultza boltxebikerik, ezta uztarri nazional-katolikorik ere. Hala ere, historia birtual edo alternatiboek arrakasta eta emankortasun gehiago dute literaturan eta ikus-entzunezkoetan, akademian baino. Sasi-diziplinago, diziplina baino.

Historia-fikzioa bezala, politika-fikzioa ere egin liteke. 2015eko departamenduko bozetan, EH Bai eta Fronte Nazionala igaro ziren bigarren itzulira Errobi-Aturri kantonamenduan. Gainerako alderdien ikuspuntutik, bi muturrak ziren, baina guziek EH Bairen alde egin zuten. Zer jarrera hartuko lukete bertze indarrek Hego Euskal Herrian, EH Bilduren eta Colon plazako alderdiren baten artean balego aukera bakarra? Sasi-diziplina batentzako erantzuna.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.