Albistea entzun

HIZPIDEAK

Lobbya

Mikel Rodriguez -

2021eko irailak 8 - @MikelR28

Munduko lobby edo presio talderik ezagunenen artean dago AEBetako lobby kubatarra. Kubako iraultzatik ihesi AEBetara jo zuten kubatarrek sortu zuten, erbestetik iraultzaileen gobernuaren aurkako ekintzak babestu eta erregimen sozialista eraisteko. Helburu hori lortzeko, AEBek Kubarekin duten politika baldintzatzen ahalegindu da lobbya, Etxe Zuriak uharteko gobernuaren aurkako ildo gogorrari euts diezaion.

1991ra arte, Kubaren aurkako narratibak bazuen koherentzia AEBetako iritzi publikoan. Komunismoa herrialdeko bizimodua suntsitu nahi zuen ideologia bat zen, eta kanpoko etsai batek sustatzen zuen, Sobietar Batasunak. Kuba herrialde komunista bat zenez, etsaiaren parte zen, eta, hortaz, arriskutsua AEBentzat. Sobietar Batasuna desagertu ondoren, narratibaren koherentzia pitzatu egin zen, komunismoak nazioarteko mehatxu izateari utzi baitzion AEB kapitalistarentzat. Nekez sinetsarazi ahalko zen Kuba etsaiaren plataforma militar bat bihur zitekeenik berriz. Baina hara non lobby kubatarra ordutik egin den azkarren, eta gaitasuna izan duen Etxe Zuria eta AEBak iraganari lotuta mantentzeko, Kubako herritarren kaltetan, nahiz eta testuingurua arruntean aldatu.

Antzeko xedea luke Foro Sozial Iraunkorrak salatu duen bertze lobby batek: euskal gatazkako presoei aplikatzen zaien salbuespen politika bukatzeko pausoak trabatzea, Moncloa eta Espainia iraganari lotuta mantentzeko, Euskal Herriko garapen politikoaren kaltetan, nahiz eta testuingurua arruntean aldatu den.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.