Albistea entzun

HIZPIDEAK

Inpunitateaz jakitun

Iñaki Petxarroman -

2022ko urtarrilak 18 - @petxarroman

Kanpoan talde memorialisten protestak ere entzungo zituen Rodolfo Martin Villak atzo Nueva Economia Forumek antolatutako konferentzian hizketan ari zen bitartean. Argentinako justiziak haren aurkako auzibidea baliogabetu duela jakin eta gutxira, ahoan bilorik gabe mintzatu da Espainiako Barne ministro ohia. Trantsizio garaian gertatutako krimenen erantzule politiko eta penala izan daitekeela aitortu du, baina gaineratu du behin ere ez diotela loa kendu haren aurka zabaldu zitezkeen prozedura penalek, ezta Maria Servini epailearen ekimenez martxan jarritakoek ere.

Francisco Franco diktadoreak diseinatutako trantsizioaren zapalkuntzaren lehen lerroan aritu zen Martin Villa. Bazuen horretarako behar zen babes eta konfiantza, mugimendu frankistaren figurarik esanguratsuenetako bat izanik. Francoren trantsiziorako plangintza politikoa babesteko, torturak, hilketak eta era askotako beste krimenak egiteko agindu zuen. Franco ohean hil zen, altxamendu militar bat eta 40 urteko diktadura bat zuzendu ostean. Haren agindupean aritu zen ministro ohiak ere ez du izango etxeko ohean hilko den zalantza handirik. Bere inpunitateaz eta Espainiak eskainiko dion baldintzarik gabeko babesaz jakitun mintzatu zen atzo ere. Augusto Pinochetek eta munduko beste diktadore batzuek ez dute izan horrenbesteko zorterik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...