Albistea entzun

HIZPIDEAK

Lohizko oinak

Mikel Rodriguez -

2022ko uztailak 29 - @MikelR28

Indarrean da Ukrainak, Errusiak, Turkiak eta Nazio Batuen Erakundeak Ukrainako portuetako zerealen esportazioa bermatzeko egin duten ituna. Recep Tayyip Erdogan Turkiako presidentea heldu den astean joatekoa da Moskura Vladimir Putin Errusiakoarekin elkartzeko, eta itunaren garapena izanen dute mintzagai nagusietako bat.

Turkiak, bederen, itunarekin lortu du aldeko tanto bat markagailura igotzea. Ez da nolanahikoa herrialde horrek gaur egun duen posizio geopolitikoa: Europaren eta Asiaren arteko zubi geografikoa da, eta gaur egungo bi gerra nagusiak ditu mugetan —Ukrainakoa iparraldean, itsasoaren bertzaldean, eta Siriakoa hegoaldean, itsatsita—. Baina, mataza gehiago korapilatzeko, Errusiarekin gerra mehatxuan hasi den NATO aliantza militarreko kide da, eta Itsaso Beltzari Laku Beltza erratea eragozten duen itsasartearen jabea da. Ematen du dado onak dituela Risk partida jokatzeko, eta kartan egokitu zaion helburua lortzeko: Siriako kurduen autonomia deuseztatzeko Errusiaren eta AEBen baimena lortzea; edo, hasteko bederen, bietako batena.

Jokalari geopolitiko indartsu eta boteretsu bezala ageri da Turkia, atzerrian eragiteko ahalmena duen indar espantsionista gisa. Horrela da neurri handi batean, baina ez da ahantzi behar haren jokabidearen arrazoi nagusietako bat bere mugen barrenean duen beldur batengatik dela, erraldoiaren lohizko oinak bistaratzen dituena: kurduen burujabetzaren aldeko mugimendua.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...