HIZPIDEAK

Atzeraldiaren itzalpean

Iñaki Petxarroman -

2019ko irailak 13
Aurreko krisi ekonomiko globaletik hamar urte eskasera, gero eta ozenagoak dira mundua beste atzeraldi sakon batean sar daitekeelako mezuak. AEBen eta Txinaren arteko merkataritza gerrak, brexit-ak, eta, oro har, ezegonkortasun politikoaren mamuarekin izututa bizi den merkatu globalaren ahuleziak erakusten dute ez dagoela urruti mundua atzeraldi orokorretik. Europako Banku Zentralak adierazi du zorra erosteari ekingo diola atzera ere. Alemaniako Gobernuak agindu du prest dauzkala milaka milioi inbertsio keynestarrak egiteko. Sektore pribatuak, eta haren motor den autogintzak, buxatuta dirauen bitartean, sektore publikoan inbertsioak egiteak atzeraldian sartzear den ekonomia berpiztuko duelako azken itxaropenaren aldarria da hori.

Duela hamar urteko krisiak argi erakutsi zuen nortzuek jasango dituzten krisi baten atzaparkadarik gogorrenak. Kontua da gero eta azkarrago ari dela kapitalismoa amildegitik behera erortzen. Eta aditu batzuek diote horrek zerikusia duela natur baliabideak gero eta azkarrago agortzen dituen ereduaren bideragarritasunik ezarekin. Gauzak beste era batera egiteko modua pentsatzeko baliatuko balitz, krisia ez litzateke hondamendia izango. Baina eskarmentuak erakusten du baikorregia dela pentsatzea errezeta alternatiboak aintzat hartuko direla ere.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna