HIZPIDEAK

Propaganda

Mikel P. Ansa -

2020ko ekainak 27

Maiatzaren Lehenak ere lortzen ez duena lortu du koronabirusaren pandemiak: sindikatu guztiak elkartzea. Sektore publikokoak, behintzat. Hezkuntzan bat eginda dabiltza azken egunetan, ikasturte hasierarako segurtasun neurriak adosteko borondate eske, batetik; dagoeneko sumatzen hasiak diren murrizketei aurre egiteko, bestetik. Osasun arloan, gutxitan ikusten den bezalako batasun irudiak ikusi ziren atzo Arabako, Bizkaiko eta Gipuzkoako osasun zentroen atarietan. Sektoreko sindikatu guztiz gehienak, erizain eta medikuenak barne, osasun sistema publikoari egindako murrizketak eskutik salatzen. Administrazio horiek ez dute ezagutu koronabirusaren pandemiarena bezalako zezenik, eta ulertzekoa da hura kudeatzeko zailtasunak izatea. Gutxi edo gehiago, zuzenean edo zeharka, administrazio eta gobernu guztiek aitortu dute ez zeudela prestatuak eta ez zutela baliabiderik horrelako krisi bati aurre egiteko. Eta osasun arloko profesionalek gehiegi kexatu gabe egin dute beren lana; gaixoei laguntzea zuten lehentasuna. Baina orain, beste fase batean, kontuak eskatzeko ordua dela iritzi diote antza, eta salaketa gogorra egin dute: «Osakidetzak bakarrik utzi gaitu, eta beharginen esfortzuari esker soilik egin ahal izan diogu aurre pandemiari». Sektore publikoko sindikatuen artean diferentzia asko badira, baina sistema publikoaren defentsan elkartu dira. Txartel ugari idatzi dituzte, eta horietako batzuetan: Propaganda gutxiago, baliabide gehiago. Ez da lelo okerra hauteskunde kanpainarako.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

San Mames zelaia hutsik, Athleticen eta Leganesen arteko partidan, uztailaren 16an. ©Marisol Ramirez / Foku

Athleticeko sei jokalarik positibo eman dute

Berria

PCR probak egin dizkiete futbol jokalariei eta klubetako langileei. Alaveseko hiru jokalariri ere detektatu diete COVID-19 gaitza.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan. Probak egingo dizkiete Nafarroako egoiliar guztiei irailean.

Maddalen Iriarte prentsaurreko batean, artxiboko irduian. ©Juan Carlos Ruiz/FOKU

EH Bilduk Eusko Jaurlaritzari eskatu dio lehen arretako zentroen egoerari konponbide bat emateko

Olatz Esteban Ezkati

Eragile politiko, sindikal, ekonomiko eta sozialen arteko elkarlanaren beharra nabarmendu du indar subiranistak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna