Albistea entzun

HIZPIDEAK

Potentziak, hauteskunde lehian

Mikel Rodriguez -

2020ko uztailak 28 - mrodriguez@berria.eus

Txinaren eta AEBen arteko harremana aspaldiko garairik txarrenean dago. Houstongo eta Chengduko kontsulatuen itxiera izan da gatazka horren azken atala, eta ez dirudi luze gabe onbideratu daitekeenik. Munduko bi potentzia handienak direnez elkar muturtuta daudenak, eta neurri diplomatikoak eta ekonomikoak ari direnez erabiltzen elkarren aurka, gerra hotza terminoa erruz zabaldu da hamaikagarren aldiz, azken urteetan AEBen eta Errusiaren arteko tentsioa handitu denetan bezala.

Donald Trumpek eta haren gobernuak bide argi bat hartu dute Txinaren aurka, eta, pixkanaka, irudikatu nahian ari dira hura dela AEBen nemesi berria. Pandemian argi azaleratu da hori, AEBetako presidenteak etengabe errepikatu baitu «birus txinatarra» esapidea SARS-CoV-2aren errua egozteko. Azaroan dituzte presidentetzarako bozak AEBetan, eta Txina kanpainako gai bihurtu da. Trumpek demokratei leporatu die Pekinen eraginpean egotea. Badirudi hor bilatu nahi duela aurka egiteko modua demokratek leporatzen dioten Errusiaren eraginpeko izatearen akusazioari. Atzerriko potentziak hauteskunde lehia baldintzatzen, garroak ia munduko botere lehia guztietan hedatuak dituen superpotentzia batean. Ironikoa, gutxienean.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.