Albistea entzun

HIZPIDEAK

'Zu'-tik 'ni'-ra

Mikel Rodriguez -

2021eko maiatzak 1 - @MikelR28

Norbanakoa bizkorra da. Masa animalia beldurti, ergel eta arriskutsua da». K agenteak J agente hasiberriari emandako lezio bat, Men In Black filmean. Bere garaiko filma, 1997koa, behin dike sozialista eraitsita olatu neoliberala mundu osora zabaltzeko libre sentitu zen arokoa. Masak zentroan zituen bizi ikuskera bat desagertuta, norbanakoa zentroan paratu zuena munduaz jabetzen hasi zenekoa. Zu zara zure bizitzaren muga bakarra. Zeure buruarengan sinesten baduzu, ezerk ez zaitu geldituko. Marketineko kanpainaren bateko esaldiak, iragarkiren batekoak, edo eliteko kirolari batek edo izar mediatikoren batek sare sozialetan erabiliko lituzkeenak. Norbera da bere arrakastaren jabe; norberaren bertuteak norberak landu ditu izerdia erruz botata. Kartoiak biltzen hasi zena aberatsa da orain. Karrika bazterrean laranjei ostikoka hasi zena munduko txapelduna da orain.

Baina diskurtso horrek zu-tik ni-ra jauzi egiten duenean, perspektiba aldatu egiten da. «Ez naiz Serena Williamsen pareko, erraketarekin eman nitzakeen orduak auskalo zertan pasatu ditudalako». «Gaizki ordaindutako lan bat dut, ez naizelako behar bertze ahalegindu zerbait hobea lortzeko». Norbera bada bere arrakastaren jabe, norbera da bere miseriaren jabe ere. Marketinean, publizitatean eta sare sozialetan balio izan badu, zergatik ez zuen balioko politikan? «Norbanakoa erlaxatu egiten da, eta horregatik hedatzen da birusa», erranen lioke K-k J-ri.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...